ബംഗളൂരു: മൊന്ത ചുഴലിക്കാറ്റ് നാളെ രാവിലെയോടെ അതിതീവ്ര ചുഴലിക്കാറ്റായി മാറും. മച്ചിലിപ്പട്ടണത്തിനും കലിംഗ പട്ടണത്തിനും ഇടയില് ഴലിക്കാറ്റ് നാളെ രാവിലെ കര തൊടും. ചുഴലിക്കാറ്റ് കര തൊടുന്നതിന് മുന്നോടിയായി ആന്ധ്രാപ്രദേശ് സര്ക്കാര് മുന്നൊരുക്കങ്ങള് ശക്തമാക്കി. ശ്രീകാകുളം ജില്ലയില് അതീവ ജാഗ്രത നിര്ദേശമാണ് നല്കിയിരിക്കുന്നത്. ആന്ധ്രയില് 23 ജില്ലകളില് അതിതീവ്ര മഴ മുന്നറിയിപ്പ് പ്രഖ്യാപിച്ചു. പ്രകാശം, നെല്ലൂര്, വെസ്റ്റ് ഗോദാവരി, കാക്കിനട ഉള്പ്പെടെ 7 ജില്ലകളില് റെഡ് അലര്ട്ടാണ്. ഗുണ്ടുരിലും അതീവ ജാഗ്രത ജാഗ്രത നിര്ദേശമാണ് നല്കിയിരിക്കുന്നത്. ഫുട്പാത്തുകളില് നിന്ന് കച്ചവടക്കാരെ ഒഴിപ്പിച്ചു. ഭക്ഷ്യ ധാന്യങ്ങളും ഇന്ധനവും അവശ്യ വസ്തുക്കളും ഉറപ്പാക്കാന് നിര്ദേശം നല്കിയിട്ടുണ്ട്. കടല് തീരങ്ങളില് ഇറങ്ങുന്നതിന് വിലക്ക് ഏര്പ്പെടുത്തി. ആശുപത്രികളില് പ്രത്യേക വാര്ഡുകള് സജ്ജമാക്കാനും നിര്ദേശം നല്കിയിട്ടുണ്ട്. താഴ്ന്ന പ്രദേശങ്ങളില് നിന്ന് ആളുകളെ ഒഴിപ്പിക്കും. കാക്കിനട, കോണസീമ, വെസ്റ്റ് ഗോദാവരി ജില്ലകളില് സ്കൂളുകള് അടച്ചു.
