കൊവിഡ് ഭീതി: ഏഴ് മുന്‍നിര കമ്പനികളുടെ വിപണി മൂല്യം കുത്തനെ ഇടിഞ്ഞു
മുംബൈ: കൊവിഡ് രണ്ടാംതരംഗത്തെ തുടര്‍ന്ന് ഇന്ത്യയിലെ ഏഴ് മുന്‍നിര കമ്പനികളുടെ വിപണി മൂല്യത്തില്‍ വന്‍ ഇടിവ് രേഖപ്പെടുത്തി. പകര്‍ച്ചവ്യാധി രൂക്ഷമാവുകയും രാജ്യത്ത് കൊവിഡ് നിയന്ത്രണങ്ങള്‍ ശക്തമാകുമെന്ന വാര്‍ത്തകള്‍ പുറത്തുവരികയും ചെയ്തതോടെയാണ് കമ്പനികളുടെ മൂല്യം കുത്തനെ ഇടിഞ്ഞത്. വിവിധ കമ്പനികളുടെ വിപണി മൂല്യത്തില്‍ ഏകദേശം 1.41 ലക്ഷം കോടി രൂപയുടെ ഇടിവാണുണ്ടായത്. ഐടി കമ്പനികളുടെ മൂല്യത്തില്‍ മാത്രം വന്‍ തകര്‍ച്ചയാണ് ഉണ്ടായത്.
ബിഎസ്ഇയിലെ 30 ഓഹരികളിലാണ് കഴിഞ്ഞയാഴ്ച്ച മാത്രം ഇടിവ് രേഖപ്പെടുത്തിയത്. ഓഹരി സൂചികയായ സെന്സെക്സില് 759.29 പോയിന്റ് ഇടിവ് രേഖപ്പെടുത്തി. ഏകദേശം 1.53 ശതമാനത്തോളമാണ് സെന്സെക്സില് ഇടിവുണ്ടാക്കിയത്. ടിസിഎസിന്റെ വിപണി മൂല്യം 47,680.78 കോടി രൂപയോളം ഇടിഞ്ഞ് 11,81,218.7 കോടി രൂപയായി ചുരുങ്ങി. ഇന്‍ഫോസിസിന്റേത് 37,579.03 കോടി രൂപയില്‍ നിന്ന് 5,76,275.68 കോടി രൂപയായി ഇടിഞ്ഞു.
സേറ്റ് ബാങ്ക് ഒഫ് ഇന്ത്യയുടെ വിപണി മൂല്യം 3,03,347.55 കോടി രൂപയായും, കൊട്ടക് മഹീന്ദ്ര ബാങ്കിന്റേത് 3,49,903 കോടി രൂപയായും ചുരുങ്ങി. ഹിന്ദുസ്ഥാന്‍ യൂണിലിവറിന്റേത് 5,77,206.58 കോടി രൂപയായാണ് ഇടിഞ്ഞത്. ഭാരതി എയര്‍ടെലിന്റേത് 2,96,871.53 കോടി രൂപയായും ചുരുങ്ങി. ഇതിനിടെ മൂന്ന് കമ്പനികളുടെ വിപണി മൂല്യത്തില്‍ മാത്രമാണ് കഴിഞ്ഞയാഴ്ച്ച അവസാനിച്ച വ്യാപാരത്തില്‍ നേട്ടമുണ്ടായിട്ടുള്ളത്.
എച്ച്ഡിഎഫ്സി, എച്ച്ഡിഎഫ്സി ബാങ്ക്, ഐസിഐസിഐ ബാങ്ക് എന്നി കമ്പനികളുടെ വിപണി മൂല്യത്തില്‍ വന്‍ നേട്ടമാണ് രേഖപ്പെടുത്തിയത്. എച്ച്ഡിഎഫ്സിയുടെ വിപണി മൂല്യം 4,64,254.63 കോടിയായും എച്ച്ഡിഎഫ്സി ബാങ്കിന്റേത് 7,87,472.56 കോടി രൂപയായും ഉയര്‍ന്നു. ഐസിഐസിഐ ബാങ്കിന്റെ വിപണി മൂല്യം 3,91,902.83 കോടി രൂപയായാണ് ഉയര്‍ന്നത്.
