യു.എസി.ല്‍ വിമാനാപകടം; 'ടാഴ്‌സണ്‍' നടന് ഉള്‍പ്പെടെ ഏഴ് മരണം
യു.എസി.ല്‍ വിമാനാപകടം; 'ടാഴ്‌സണ്‍' നടന് ഉള്‍പ്പെടെ ഏഴ് മരണം
യു.എസി.ലെ ടെന്നസി തടാകത്തില്‍ വിമാനം വീണ് ടാഴ്‌സണ്‍ ടി.വി. പരമ്പരയിലെ നടന് ഉള്‍പ്പെടെ ഏഴ് മരണം. ക്രിസ്റ്റ്യന്‍ ഡയറ്റ് ഗുരുവും പ്രശസ്ത റെംനന്റ് ഫെലോഷിപ്? ചര്‍ച്ച് സ്ഥാപക നേതാവുമായ ഗ്വന്‍ ഷാംബ്ലിന്‍ ലാറ, അവരുടെ ഭര്‍ത്താവും ടി.വി പരമ്പരയായ 'ടാഴ്‌സണ്‍: ദ എപിക് അഡ്വഞ്ചേഴ്‌സി'ല്‍ മുഖ്യകഥാപാത്രത്തെ അവതരിപ്പിച്ച നടനുമായ ജോ ലാറയും ഇതേ സഭയുടെ ഭാഗമായ മറ്റു അഞ്ചു പേരുമാണ് മരിച്ചത്. ശരീര ഭാരം കുറച്ച് ദൈവവിശ്വാസം ഉയര്‍ത്താന്‍ പ്രത്യേക ഭക്ഷണ ക്രമം നിര്‍ദേശിച്ച് ജനപ്രിയയായിരുന്നു ഗ്വന്‍ ഷാംബ്ലിന്‍. 'വെയ് ഡൗണ്‍ ഡയറ്റ്' എന്ന പേരിലായിരുന്നു ഇവരുടെ ഭക്ഷണ ക്രമം അറിയപ്പെട്ടിരുന്നത്. ഫ്‌ലോറിഡയിലെ പാം ബീച്ച് വിമാനത്താവളം ലക്ഷ്യമിട്ട് പറന്ന കൊച്ചുയാത്ര വിമാനമായ സെസ്‌ന 501 ആണ് തകര്‍ന്നത്. യാത്രികരുടെ മൃതദേഹങ്ങള്‍ കണ്ടെത്താന്‍ ശ്രമങ്ങള്‍ തുടരുകയാണ്.
