ഇടുക്കി: കെ.വി.തോമസ് ഒരിക്കലും തനിക്കെതിരെ പ്രവര്‍ത്തിക്കില്ലെന്ന് തൃക്കാക്കരയിലെ കോണ്‍ഗ്രസ് സ്ഥാനാര്‍ഥി ഉമ തോമസ് കോണ്‍ഗ്രസിന്റെ മുതിര്‍ന്ന നേതാവായ അദ്ദേഹം പാര്‍ട്ടി പാളയത്തില്‍ തന്നെ ഉണ്ടാകും. പി ടി തോമസിനെ എന്നും ചേര്‍ത്ത് പിടിച്ച ആളാണ് കെ വി തോമസ്. അദ്ദേഹത്തെ നേരില്‍ കണ്ട് അനുഗ്രഹം തേടുമെന്നും ഉമ തോമസ് പറഞ്ഞു. രാവിലെ തന്നെ പി ടി തോമസിന്റെ ജന്മ നാടായ ഇടുക്കിയിലെ ഉപ്പുതോട്ടില്‍ ഉമ തോമസ് എത്തി. പള്ളിയിലെ പ്രാര്‍ഥനക്ക് ശേഷം പി ടിതോമസിന്റെ കല്ലറയിലെത്തി പ്രാര്‍ഥിച്ചു. ഉപ്പുതോടിലെ ആളുകളെ നേരില്‍ കണ്ട് കുശലാന്വേഷണം നടത്തി. ശേഷം ഉമ ഇടുക്കി ബിഷപ്പിനെ സന്ദര്‍ശിച്ചു.ു. എല്ലാ സഹകരണവും ഉണ്ടാകുമെന്ന് ബിഷപ് പറഞ്ഞു. ഇന്നലെയാണ് തൃക്കാക്കരയിലെ സ്ഥാനാര്‍ഥിയായി ഉമ തോമസിനെ കോണ്‍ഗ്രസ് നേതൃത്വം പ്രഖ്യാപിച്ചത്. കെഎസ്‌യുവിലൂടെ രാഷ്ട്രീയ പ്രവേശനം നടത്തിയ ഉമ പിന്നീട് പിടി തോമസിന്റെ ജീവിത സഖിയാകുകയായിരുന്നു.
