സ്വര്‍ണ വില കുതിച്ചുയര്‍ന്നു
കൊച്ചി: സംസ്ഥാനത്ത് സ്വര്‍ണ വില കുതിച്ചുയര്‍ന്നു. ഒരു പവന് സ്വര്‍ണത്തിന് 36,880 രൂപയായി ഉയര്‍ന്നു.ഒരു ഗ്രാമിന് 4,610 രൂപയാണ് വില. തുടര്‍ച്ചയായ ആറു ദിവസം പവന് 36,480 രൂപയായിരുന്നു വില. ഒറ്റയടിക്ക് പവന് 400 രൂപയാണ് വര്‍ധിച്ചത്.രാജ്യാന്തര വിപണിയില്‍ സ്വര്‍ണ വില കുതിച്ചുയര്‍ന്നു. ട്രോയ് ഔണ്‍സിന് 1906.06 ഡോളറിലാണ് വ്യാപാരം. മെയ് ഒന്നിന് ഒരു പവന് സ്വര്‍ണത്തിന് 35,040 രൂപയായിരുന്നു വില. മെയിലെ ഏറ്റവും ഉയര്‍ന്ന നിരക്കായിരുന്നു ഇത്. മെയില്‍ ഇതുവരെ പവന് 1,440 രൂപയാണ് വര്‍ധിച്ചത്.
രാജ്യാന്തര വിപണിയില്‍ സ്വര്‍ണ വില ഉയര്‍ന്നത് ഇന്ത്യന്‍ വിപണിയില്‍ വില ഉയരാന്‍ കാരണമായി എംസിഎക്സില്‍ സ്വര്‍ണ്ണ ഫ്യൂച്ചര്‍ വ്യാപാരം 10 ഗ്രാമിന് 0.4 ശതമാനം ഉയര്‍ന്ന് 49,049 ഡോളറിലെത്തി. വെള്ളി കിലോയ്ക്ക് 0.7 ശതമാനം ഉയര്‍ന്ന് 72,622 ഡോളറിലാണ് വ്യാപാരം. . പണപ്പെരുപ്പം, യുഎസ് ബോണ്ട് വരുമാനത്തിലെ ഇടിവ്, ഡോളറിന്റെ മൂല്യ ശോഷണം എന്നീ ഘടകങ്ങളാണ് അന്താരാഷ്ട്ര വിപണികളില്‍ സ്വര്‍ണം തിളങ്ങാന്‍ കാരണം.
