നാളെമുതൽ ഫാസ്റ്റ് ടാഗ് നിർബന്ധം
തിങ്കളാഴ്ച മുതൽ രാജ്യത്ത് ഫാസ്റ്റ് ടാഗുകൾ നിർബന്ധമാകും. ഏറ്റവും പുതിയ മാർ‌ഗ്ഗനിർ‌ദ്ദേശങ്ങൾ പ്രകാരമാണ് സർക്കാർ നീക്കം.ദേശീയപാതകളിലെ ടോൾ പ്ലാസകളിലെ ഒരു പാത ഒഴികെയുള്ളവയെല്ലാം ഫാസ്റ്റ് ടാഗ് പാതകളാക്കി മാറ്റിക്കഴിഞ്ഞിട്ടുണ്ട്. ഫാസ്റ്റ് ടാഗ് ഇല്ലാത്ത വാഹനവും ഫാസ്റ്റ് ടാഗ് പാതയിലേക്ക് പ്രവേശിക്കുന്ന പക്ഷം ടോൾ തുകയുടെ ഇരട്ടി പിഴയായി നൽകണമെന്നാണ് ചട്ടം. എന്നിരുന്നാലും, പണമടച്ച് യാത്ര ചെയ്യുന്നതിനായി പാത നീക്കിവെച്ചിട്ടുണ്ട്. പക്ഷെ പുതിയ പരിഷ്കാരത്തോടെ ഫെബ്രുവരി 15 മുതൽ ഇത് ഒഴിവാക്കാനാണ് സർക്കാർ നീക്കം. ഫെബ്രുവരി 15 മുതൽ എല്ലാ പാതകളും ഫാസ്റ്റ് ടാഗ് പാതകളാക്കി മാറ്റുകയും ചെയ്യും.
രാജ്യത്ത് ഫാസ്റ്റ് ടാഗുകൾ ലഭിക്കാൻ നാഷണൽ ഹൈവേ ടോൾ പ്ലാസകളിലെയും തിരഞ്ഞെടുത്ത ബാങ്ക് ശാഖകളിലെയും പോയിന്റ്-ഓഫ്-സെയിൽ വഴി 22 സർട്ടിഫൈഡ് ബാങ്കുകളാണ് രാജ്യത്ത് ഫാസ്റ്റ് ടാഗ് നൽകുന്നത്. ആമസോൺ, ഫ്ലിപ്പ്കാർട്ട്, പേടിഎം മാൾ തുടങ്ങിയ ഇ-കൊമേഴ്സ് പ്ലാറ്റ്‌ഫോമുകളിലും ഫാസ്റ്റ് ടാഗ് ലഭ്യമാണ്. സർട്ടിഫൈഡ് ബാങ്കുകൾ നൽകുന്ന ഫാസ്റ്റ് ടാഗിന് ഓരോ ടാഗിനും പരമാവധി 100 രൂപ ഈടാക്കാമെന്നാണ് ചട്ടം. എൻ‌പി‌സി‌ഐയാണ് നിരക്ക് നിശ്ചയിച്ചിട്ടുണ്ട്. പേടിഎം പോലുള്ള പ്ലാറ്റ്ഫോമുകൾക്കും ബാങ്കുകൾക്കും മൊബൈൽ വാലറ്റുകൾക്കും പുറമെ ഭീം യുപിഐ ഉപയോഗിച്ചും ഫാസ്റ്റ് ടാഗ് റീചാർജ് ചെയ്യാനും കഴിയും. എയർടെല്ലിൽ നിന്നും വാങ്ങാം. കൂടാതെ, ഫാസ്റ്റ് ടാഗ് വഴി ചെയ്യുന്ന എല്ലാ ടോൾ പേയ്മെന്റുകളിലും എൻ‌എച്ച്‌എ‌ഐയിൽ നിന്ന് 2.5 ശതമാനം ക്യാഷ്ബാക്ക് ഓഫറോടെ ഉപയോക്താക്കൾക്ക് ഫാസ് ടാഗ് ലഭിക്കും.
രാജ്യത്തെ പ്രമുഖ ബാങ്കുകളായ ഐസിഐസിഐ ബാങ്ക്, ആക്സിസ് ബാങ്ക്, എച്ച്ഡിഎഫ്സി ബാങ്ക്, എസ്ബിഐ മുതലായ ബാങ്കുകളുടെ രജിസ്റ്റർ ചെയ്ത വെബ്സൈറ്റിൽ നിന്ന് ഫാസ്റ്റ് ടാഗ് ലഭിക്കും. തുടർന്ന് നിങ്ങൾക്ക് വെബ്‌സൈറ്റിലെ ഫാസ്റ്റാഗ് ഓപ്ഷൻ തിരയാനും അപ്ലൈ ഫോർ ഫാസ്റ്റ് ടാഗ് ഓപ്ഷൻ ഓപ്ഷനിൽ ക്ലിക്കുചെയ്യാനും കഴിയും. തുടർന്ന് ഒടിപി ലഭിക്കുന്നതിന് നിങ്ങളുടെ വാഹന നമ്പറും രജിസ്റ്റർ ചെയ്ത മൊബൈൽ നമ്പറും നൽകുക. ഇതിനുശേഷം, പേര്, വിലാസം മുതലായവ ആവശ്യപ്പെടുന്ന വിശദാംശങ്ങൾ നൽകി ആവശ്യമായ രേഖകൾ അപ്‌ലോഡ് ചെയ്യുക. ഇതിനുശേഷം, ഫാസ്റ്റ് ടാഗിനായി നിങ്ങൾ ഒരു ഓൺലൈൻ പേയ്മെന്റ് നടത്തേണ്ടിവരും. ഇതിന് ഒറ്റത്തവണ ഫീസ് 200 രൂപ, പുനർവിതരണം ഫീസ് 100 രൂപ, റീഫണ്ട് ചെയ്യാവുന്ന സെക്യൂരിറ്റി ഡെപ്പോസിറ്റ് 200 രൂപ.
