പ്രസിഡന്റ് സല്‍വ കീര്‍ മൂത്രമൊഴിക്കുന്ന വിഡിയോ പ്രചരിപ്പിച്ചതിന് സുഡാനില്‍ 6 മാധ്യമപ്രവര്‍ത്തകര്‍ അറസ്റ്റില്‍. സംഭവത്തില്‍ മാധ്യമപ്രവര്‍ത്തകരെ വെറുതെ വിടണമെന്ന് മീഡിയ റൈറ്റ്‌സ് ഗ്രൂപ്പ് ആവശ്യപ്പെട്ടു. സൗത്ത് സുഡാന്‍ ബ്രോഡ്കാസ്റ്റിങ്ങ് കോര്‍പ്പറേഷനിലെ മാധ്യമപ്രവര്‍ത്തകരെയാണ് ചൊവ്വാഴ്ച ദേശീയ സുരക്ഷാ ഏജന്‍സി അറസ്റ്റ് ചെയ്തത്.
കഴിഞ്ഞ ഡിസംബറിലാണ് വിവാദ വിഡിയോ സമൂഹമാധ്യമങ്ങളില്‍ പ്രചരിക്കുന്നത്. യൂട്യൂബിലാണ് ആദ്യം വിഡിയോ പ്രത്യക്ഷപ്പെട്ടത്. ഒരു പൊതു പരിപാടിക്കിടെ പ്രസിഡന്റിന് മൂത്രം പോവുകയായിരുന്നു. ഈ വിഡിയോ പുറത്തുവന്നതിനു പിന്നാലെ നടത്തിയ അന്വേഷണങ്ങള്‍ക്കൊടുവിലാണ് മാധ്യമപ്രവര്‍ത്തകര്‍ അറസ്റ്റിലായത്.
