ടോക്കിയോ ഒളിംപിക്സ്; ഗുസ്തിയില്‍ രവി കുമാര്‍ ഫൈനലില്‍
ടോക്കിയോ: ഒളിംപിക്സ് ഗുസ്തിയില്‍ മെഡലുറപ്പിച്ച് രവികുമാര്‍ ദാഹിയ. പുരുഷന്മാരുടെ 57 കിലോ വിഭാഗം ഫ്രീസ്‌റ്റൈല്‍ ഗുസ്തിയില്‍ രവി കുമാര്‍ ദഹിയ ഫൈനലിലെത്തി. സെമിയില്‍ കസാഖ് താരം സനായേവിനെ അവസാന നിമിഷങ്ങളില്‍ തോല്‍പിക്കുകയായിരുന്നു. ടോക്കിയോ ഒളിംപിക്സില്‍ നാലാം മെഡലാണ് ഇതോടെ ഇന്ത്യ ഉറപ്പിക്കുന്നത്.
ഒളിംപിക്സ് ഗുസ്തി ഫൈനലിലെത്തുന്ന അഞ്ചാം ഇന്ത്യന്‍ താരമാണ് രവി കുമാര്‍ ദഹിയ. സുശീല്‍ കുമാറിന് ശേഷം ഫൈനലിലെത്തുന്ന ആദ്യ ഇന്ത്യന്‍ ഗുസ്തി താരം കൂടിയാണ്.
ഇന്ന് രാവിലെ നടന്ന വനിതാ ബോക്സിംഗ് 69 കിലോ വിഭാഗം സെമിയില്‍ തുര്‍ക്കിയുടെ ബുസേനസിനോട് പരാജയപ്പെട്ടെങ്കിലും ഇന്ത്യയുടെ ലവ്‌ലിന ബോര്ഗോഹെയ്ന് വെങ്കല മെഡല്‍ സ്വന്തമാക്കിയിരുന്നു. നേരത്തെ ഭാരോദ്വഹനത്തില്‍ മീരബായ് ചനു വെള്ളിയും ബാഡ്മിന്റണില്‍ പി വി സിന്ധു വെങ്കലവും നേടിയതാണ് ഇന്ത്യ ഇതിനകം സ്വന്തമാക്കിയ മറ്റ് മെഡലുകള്‍.
