തിരുവനന്തപുരം: രണ്ടാം പിണറായി സര്ക്കാരിന്റെ അവസാന ബജറ്റില് ക്ഷേമ പെന്ഷനായി 14500 കോടി വകയിരുത്തി സര്ക്കാര്. അടുത്ത സാമ്പത്തിക വര്ഷത്തേക്കാണ് തുക. എല്ഡിഎഫ് സര്ക്കാരിന്റെ കാലത്ത് ക്ഷേമപെന്ഷന് ഘട്ടംഘട്ടമായി ഉയര്ത്തിയെന്ന് ധനമന്ത്രി പറഞ്ഞു. സ്ത്രീ സുരക്ഷ പെന്ഷന് 3820 കോടി രൂപയാണ് ബജറ്റില് വകയിരുത്തിയിരിക്കുന്നത്. ജനസംഖ്യയുടെ 30 ശതമാനത്തിന് വിവിധ ക്ഷേമ ആനുകൂല്യങ്ങള് നല്കുന്നുണ്ട്. ഒരു കോടി പേരിലേക്ക് സര്ക്കാര് സഹായം എത്തുന്നുണ്ടെന്നും ധനമന്ത്രി ബജറ്റില് പറഞ്ഞു
