ഇന്ധന വിലയില്‍ വീണ്ടും വര്‍ധന
കൊച്ചി: രാജ്യത്ത് പെട്രോള്‍, ഡീസല്‍ വിലയില്‍ വീണ്ടും വര്‍ധന. വിവിധ നഗരങ്ങളില്‍ ഡീസലിന് 26 പൈസയും പെട്രോളിന് 25 പൈസയും കൂടി. അഞ്ച് ദിവസത്തിനിടെ പെട്രോളിന് 75 പൈസയും ഡീസലിന് 79 പൈസയുമാണ് കൂടിയത്. രാജ്യത്തെ ചില്ലറ ഇന്ധന വില ഇപ്പോള്‍ 2018 ഒക്ടോബറിന് ശേഷമുള്ള ഏറ്റവും ഉയര്‍ന്ന നിരക്കിലാണ്.
കേരളത്തില്‍ ഡീസല്‍ വില എക്കാലത്തെയും ഉയര്‍ന്ന നിലവാരത്തില്‍ എത്തിന് പിന്നാലെ പെട്രോള്‍ വിലയും റെക്കോര്‍ഡ് തകര്‍ക്കാന്‍ കുതിക്കുകയാണ്. സംസ്ഥാനത്ത് ഒരു ലിറ്റര്‍ പെട്രോളിന് 87.73 രൂപയാണ് വില. ഒരു ലിറ്റര്‍ ഡീസലിന് 81.79 രൂപയും. കൊച്ചിയില്‍ പെട്രോളിന് 85.93 രൂപയാണ് വില. ഡീസലിന് 79.98 രൂപയും. കോഴിക്കോട് 86.19 രൂപയാണ് ഒരു ലിറ്റര്‍ പെട്രോളിന് ഇന്നത്തെ വില. ഡീസലിന് 80.35 രൂപയും.
ഡല്‍ഹി, മുംബൈ തുടങ്ങിയ രാജ്യത്തെ പ്രധാന നഗരങ്ങളിലെല്ലാം ഇന്ധന വില റെക്കോര്‍ഡുകള്‍ തകര്‍ത്തു കഴിഞ്ഞിരിക്കുകയാണ്. ഡല്‍ഹിയില്‍ ഒരു ലിറ്റര്‍ പെട്രോളിന് 85.70 രൂപയാണ് വില. ഡീസലിന് 75.88 രൂപയാണ് വില. മുംബൈയില്‍ പെട്രോളിനും ഡീസലിനും തീവിലയാണ്. ഒരു ലിറ്റര്‍ പെട്രോളിന് 92.28 രൂപയാണ് ഇന്നത്തെ വില. ഡീസലിന് 82.66 രൂപയും.
