സംസ്ഥാനത്ത് സ്വര്‍ണവിലയില്‍ വീണ്ടും വര്‍ധനവ്.
കൊച്ചി: സംസ്ഥാനത്ത് സ്വര്‍ണവില വര്‍ധിച്ചു, പവന് 160 രൂപയാണ് ഇന്ന് കൂടിയത്. പവന് വില 35,840 രൂപയായി. ഗ്രാമിന് 20 രൂപ കൂടി 4480 ആയി. അതേസമയം ഇന്നലെ സ്വര്‍ണവിലയില്‍ കുറവ് രേഖപ്പെടുത്തിയിരുന്നു. പവന് 160 രൂപയായിരുന്നു ഇന്നലെ കുറഞ്ഞത്. ഈ മാസം സ്വര്‍ണവില വര്‍ധിക്കുന്നതായാണ് വിപണിയില്‍ ദൃശ്യമായത്.
മാസാദ്യത്തില്‍ 35,200 രൂപയായിരുന്നു സ്വര്‍ണത്തിന്റെ വില. ഇത് ഉയര്‍ന്ന് 16 ന് മാസത്തിലെ ഉയര്‍ന്ന വിലയായ 36,200 ല്‍ എത്തി. സ്വര്‍ണ വിപണിയില്‍ നിലവിലെ ട്രെന്‍ഡ് തുടരാനാണ് സാധ്യതയെന്നാണ് വിദഗ്ധരുടെ വിലയിരുത്തല്‍.
