വിപണി മൂല്യത്തില്‍ മികച്ച നേട്ടം കൊയ്ത് രാജ്യത്തെ കമ്പനികള്‍; പുതിയതായി 19 കമ്പനികള്‍ കൂടി ഒരു ലക്ഷം കോടി ക്ലബ്ബില്‍
വിപണി മൂല്യത്തില്‍ മികച്ച നേട്ടം കൊയ്ത് രാജ്യത്തെ കമ്പനികള്‍. 19 കമ്പനികള്‍ കൂടിയാണ് ഒരു ലക്ഷം കോടി വിപണിമൂല്യം സ്വന്തമാക്കിയിരിക്കുന്നത്. ഒരുവര്‍ഷത്തിനിടെ ഈ വിഭാഗത്തില്‍ ഉള്‍പ്പെടുന്ന കമ്പനികളുടെ എണ്ണം 47 ആയി രാജ്യത്ത് വര്‍ധിച്ചു. ഒരു വര്ഷം മുമ്പ് 28 കമ്പനികളാണ് ഈ ഗണത്തില്‍ ഉള്‍പ്പെട്ടിരുന്നത്.
അദാനി എന്റര്‍പ്രൈസസ്, ബിപിസിഎല്‍, ഡാബര്‍, ഗോദ്റേജ് കണ്‍സ്യൂമര്‍, ജെഎസ്ഡബ്ല്യു, ടെക് മഹീന്ദ്ര, പവര്‍ഗ്രിഡ് കോര്‍പ്, എന്‍ടിപിസി, പിഡിലൈറ്റ്, ബജാജ് ഓട്ടോ തുടങ്ങിയ പുതിയതായി ലക്ഷം കോടി ക്ലബില്‍ അംഗമായത്.
അതേസമയം ഓഹരി വിപണിയില്‍ കുതിപ്പുണ്ടാകുമ്പോള്‍ മികച്ച കമ്പനികളുടെ വിപണിമൂല്യം ഉയരുന്നത് സ്വാഭാവികമാണെന്നാണ് വിലയിരുത്തല്‍.
എക്കാലത്തെയും ഉയരം കുറിച്ച് ഓഗസ്റ്റ് 27ന് 56,124.7 നിലവാരത്തിലാണ് സെന്സെക്സ് ക്ലോസ് ചെയ്തത്.
ഒരു ലക്ഷം കോടിയിലധികം വിപണിമൂല്യം സ്വന്തമാക്കിയവയില്‍ പൊതുമേഖല സ്ഥാപനങ്ങളും ഇടംപിടിച്ചു. എന്‍ടിപിസിയും ബിപിസിഎലും വീണ്ടും ക്ലബിലെത്തി. എസ്ബിഐ, ഒഎന്‍ജിസി എന്നീ കമ്പനികളെക്കൂടാതെ പവര്‍ഗ്രിഡ് കോര്‍പറേഷനും നേട്ടംസ്വന്തമാക്കി. എസ്ബിഐയുടെ വിപണിമൂല്യത്തില്‍ ഒരുവര്‍ഷത്തിനിടെ 49ശതമാനവും ഒഎന്‍ജിസിയുടേത് 24ശതമാനവുമാണ് വര്‍ധനവുണ്ടായത്.
