ഗോവാ ഗവര്‍ണറായി പി.എസ് ശ്രീധരന്‍ പിള്ള സത്യപ്രതിജ്ഞ ചെയ്തു
ഡോണ പൗള( ഗോവ): ഗോവ ഗവര്‍ണറായി ശ്രീ പി.എസ് ശ്രീധരന്‍ പിള്ള സത്യപ്രതിജ്ഞ ചെയ്തു അധികാര മേറ്റു - രാജ്ഭവനില്‍ കാലത്ത് 11 മണിക്ക് നടന്ന ചടങ്ങില്‍ മുംബൈ ഹൈക്കോടതി ചീഫ് ജസ്റ്റിസ് ശ്രീ ദീപാങ്കര്‍ ദത്ത സത്യവാചകം ചൊല്ലിക്കൊടുത്തു. ഗോവയുടെ 33 -മത് ഗവര്‍ണറാണ് പി.എസ്.ശ്രീധരന്‍ പിള്ള .
ഗോവ മുഖ്യമന്ത്രി ഡോ. പ്രമോദ് സാവന്ത് . ഉപമുഖ്യമന്ത്രി ശ്രീ മനോഹര്‍ ഹസ്‌നോക്കര്‍, കേന്ദ്ര മന്ത്രി ശ്രീപദ് നായക്, പ്രതിപക്ഷ നേതാവ് , ദിഗംബര്‍ കാമത്ത് , ബി ജെ.പി ഗോവ സംസ്ഥാന പ്രസിഡണ്ട് സദാനന്ദ തനാവ ഡെ എന്നിവരും സംസ്ഥാന മന്ത്രിമാരും എം എല്‍ എമാരും ചീഫ് സെക്രട്ടറി ഉള്‍പ്പെടെയുള്ള ഉദ്യോഗസ്ഥരും ചടങ്ങില്‍ പങ്കെടുത്തു.
കേരളത്തില്‍ നിന്ന് യാക്കോബായ സഭാസിനഡ് സെക്രട്ടറിയും കോട്ടയം ഭാഭ്രാസനാധിപനുമായ മാര്‍ അത്താനിയോസ് , ഓര്‍ത്തഡോക്‌സ് സഭയെ പ്രതിനിധീകരിച്ച് പുലിക്കോട്ടില്‍ ജൂലിയോസ് തിരുമേനി, മാര്‍ത്തോമ സഭാ പ്രതിനിധികളായി റവ.സി ജോ എം.എബ്രഹാം, റവ. ജിനു ഡാനിയേല്‍ , പെന്തക്കോസ്റ്റ് സഭാ പ്രതിനിധി ഫാദര്‍ പി.ജെ തോമസ്, ബി ജെ പി അഖിലേന്ത്യാ ഉപാധ്യക്ഷന്‍ എ.പി.അബ്ദുള്ളക്കുട്ടി, സംസ്ഥാന നേതാക്കളായ പി.കെ കൃഷ്ണദാസ്, എ.എന്‍ രാധാകൃഷ്ണന് ,ജി.രാമന്‍ നായര്‍ , ബി.രാധാകൃഷ്ണ മേനോന്‍ , പി.ആര്. ശിവശങ്കരന്‍ തുടങ്ങിയതും പങ്കെടുത്തു.
