ആര്യന് ജീവിതപാഠങ്ങളും ഉപദേശങ്ങളും
നല്‍കാന്‍ഷാരൂഖ് ലൈഫ് കോച്ചിനെ നിയമിച്ചു
മുംബൈ: ബോളിവുഡ് താരം ഷാരൂഖ് ഖാന് വ്യക്തിപരമായി ഏറ്റവുമധികം സമ്മര്‍ദ്ദങ്ങള്‍ അനുഭവിച്ച ദിവസങ്ങള്‍ ആയിരുന്നു കഴിഞ്ഞ മാസം. മകന് ആര്യന് ഖാന്റെ ലഹരിക്കേസിലെ അപ്രതീക്ഷിത അറസ്റ്റ്, തുടര്‍ന്ന് ഒരു മാസത്തോളം നീണ്ട ജയില്‍ വാസം ഇതെല്ലാം കിംഗ് ഖാനെ തളര്‍ത്തിയിരുന്നു. ആര്യന് പുറത്തിറങ്ങിയതിന് പിന്നാലെ മകന്റെ ജീവിതത്തില്‍ ചില മുന്‍കരുതലുകള്‍ ഷാരൂഖ് നടത്തുകയാണെന്ന് റിപ്പോര്‍ട്ടുകളുണ്ടായിരുന്നു. ഇപ്പോഴിതാ ആര്യന് ഖാന് ജീവിതപാഠങ്ങളും ഉപദേശങ്ങളും നല്‍കാന്‍ ലൈഫ് കോച്ചിനെ ഷാരൂഖ് നിയമിച്ചുവെന്ന വാര്‍ത്തയാണ് പുറത്തുവരുന്നത്.
നടന് ഹൃത്വിക് റോഷന്റെ മാര്‍ഗനിര്‍ദേശിയായിരുന്ന അര്‍ഫീന്‍ ഖാന് ആണ് ആര്യന്റെ കോച്ച്. ലഹരി മരുന്ന് കേസില്‍ അറസ്റ്റിലായി ജയിലില്‍ കഴിഞ്ഞപ്പോഴുണ്ടായ മാനസികവും വൈകാരികവുമായ പ്രശ്നങ്ങള് മറികടക്കാന്‍ വേണ്ടിയാണ് ലൈഫ് കോച്ചിനെ നിയമിച്ചിരിക്കുന്നതെന്ന് ടൈംസ് ഓഫ് ഇന്ത്യ റിപ്പോര്‍ട്ട് ചെയ്യുന്നു. സൂസനുമായുള്ള വിവാഹമോചന സമയത്ത് ഹൃത്വികിനുണ്ടായ പ്രശ്നങ്ങള് മറികടക്കാന്‍ സഹായിച്ചത് ആര്‍ഫീന്‍ ഖാന് ആയിരുന്നു. ആര്യന്റെ അറസ്റ്റ് മുതല്‍ പിന്തുണയുമായി ഹൃത്വിക് റോഷന്‍ ഒപ്പമുണ്ടായിരുന്നു. ആര്യന് വേണ്ടി സമൂഹമാധ്യമങ്ങളില്‍ ശക്തമായ ഇടപെടല്‍ ഹൃത്വിക് നടത്തിയിരുന്നു.
അതേസമയം, ആര്യന് ഖാന് ലഹരി ഇടപാടിനായി ഗൂഡാലോചന നടത്തിയതിന് തെളിവില്ലെന്നു ബോംബെ ഹൈക്കോടതി അറിയിച്ചിരുന്നു. ആര്യന്, സുഹൃത്ത് അര്‍ബാസ് മെര്‍ച്ചന്റ്, മോഡല്‍ മുണ്‍മുണ്‍ ധമേച്ഛ എന്നിവര്‍ ഗൂഡാലോചന നടത്തിയതിന് തെളിവായി എന്‍സിബി വാട്‌സ് ആപ്പ് ചാറ്റുകള്‍ ഹാജരാക്കിയിരുന്നു. എന്നാല്‍ഗൂഡാലോചന തെളിയിക്കാന്‍ ഇത് പര്യാപ്തമല്ലെന്ന് കോടതി വ്യക്തമാക്കി. ലഹരി മരുന്നൊന്നും ആര്യനില്‍ നിന്ന് കണ്ടെടുത്തിട്ടില്ലെങ്കിലും ലഹരി മാഫിയയുമായി ചേര്‍ന്ന് ആര്യന് ഗൂഡാലോചന നടത്തിയെന്നാണ് എന്‍സിബി വാദിച്ച് കൊണ്ടിരുന്നത്. ആരോപണങ്ങള്‍ക്കെല്ലാം തെളിവായി നിരത്തിയത് വാട്‌സ് ആപ്പ് ചാറ്റുകളുമായിരുന്നു.
