120Hz അമോലെഡ് ഡിസ്‌പ്ലേയും 50MP ട്രിപ്പിള്‍ ക്യാമറയുമായി വണ്‍പ്ലസ് 9RT
ചൈനീസ് പ്രീമിയം സ്മാര്ട്ട്ഫോണ് നിര്‍മ്മാതാക്കളായ വണ്‍പ്ലസ് ഈ വര്ഷം മാര്‍ച്ചില്‍ അവതരിപ്പിച്ച വണ്‍പ്ലസ് 9 ശ്രേണിയിലേക്ക് പുത്തന്‍ സ്മാര്ട്ട്ഫോണ് അവതരിപ്പിച്ചു. ഇന്ത്യ സ്പെഷ്യല് ആയി അവതരിപ്പിച്ച വണ്‍പ്ലസ് 9R പതിപ്പിന്റെ പരിഷ്‌കരിച്ച പതിപ്പ് വണ്‍പ്ലസ് 9RT ആണ് പുത്തന്‍ താരം. ചൈനീസ് വിപണിയിലാണ് വണ്‍പ്ലസ് 9RTന്റെ അരങ്ങേറ്റം.
8 ജിബി റാം + 128 ജിബി സ്റ്റോറേജ് വേരിയന്റിന് 3,299 യുവാന്‍ (ഏകദേശം 38,600 രൂപ), 8 ജിബി റാം + 256 ജിബി സ്റ്റോറേജ് വേരിയന്റിന് 3,499 യുവാന്‍ (ഏകദേശം 40,900 രൂപ), 12 ജിബി റാം + 256 ജിബി സ്റ്റോറേജ് വേരിയന്റിന് 3,799 യുവാന്‍ (ഏകദേശം 44,400 രൂപ) എന്നിങ്ങനെയാണ് വണ്‍പ്ലസ് 9RTയുടെ വിലകള്‍.
ആന്‍ഡ്രോയ്ഡ് 11 അടിസ്ഥാനമായ കളര്‍ ഒഎസിലാണ് വണ്‍പ്ലസ് 9RT പ്രവര്‍ത്തിക്കുന്നത്. ഹാന്‍ഡ്‌സെറ്റിന്റെ 6.62 ഇഞ്ച് ഫുള്‍ എച്ച്ഡി+ (1,080x2,400 പിക്സല്‍സ്) സാംസങ് E4 അമോലെഡ് ഡിസ്പ്ലേയ്ക്ക് 20:9 ആസ്‌പെക്ട് റേഷ്യോയും, 1300 നിറ്റ് പീക്ക് ബ്രൈറ്റ്‌നസും, 120 ഹെര്‍ട്‌സ് റിഫ്രഷ് റേറ്റുമുണ്ട്. കൂടാതെ 1300 ഹെര്‍ട്‌സ് ടച്ച് സാമ്പിള്‍ റേറ്റും ഡിസിഐ 100 ശതമാനം ഡിസിഐ-പി 3 കളര്‍ ഗാമറ്റിനൊപ്പം ഈ ഡിസ്പ്ലേയ്ക്കുണ്ട്.
12 ജിബി വരെ LPDDR5 റാമുമായി ചേര്‍ന്ന് പ്രവര്‍ത്തിക്കുന്ന ഒക്ട-കോര്‍ ക്വാല്‍കോം സ്‌നാപ്ഡ്രാഗണ്‍ 888 SoC പ്രോസസ്സറാണ് വണ്‍പ്ലസ് 9RTയ്ക്ക്. 50 മെഗാപിക്സല് പ്രൈമറി സെന്‍സറിനൊപ്പം, വണ്‍പ്ലസ് 9RTക്ക് 16 മെഗാപിക്സല് സെക്കന്‍ഡറി സെന്‍സറും എഫ്/2.2 അള്‍ട്രാ വൈഡ് ലെന്‍സും 2 മെഗാപിക്സല് മാക്രോ ഷൂട്ടറുമുണ്ട്. 4K വീഡിയോ റെക്കോര്‍ഡിംഗ് ഈ കാമറ പിന്തുണയ്ക്കുന്നു. സെല്‍ഫികള്‍ക്കും വീഡിയോ ചാറ്റുകള്‍ക്കുമായി16 മെഗാപിക്സല് സോണി ഐഎംഎക്‌സ് 471 സെല്‍ഫി ക്യാമറയാണ്. ഇലക്ട്രോണിക് ഇമേജ് സ്റ്റെബിലൈസേഷനും (EIS) ഈ ക്യാമെറയ്ക്കുണ്ട്.
വണ്‍പ്ലസ് 9RT-ല്‍ ഡോള്‍ബി അറ്റ്‌മോസ് പിന്തുണയ്ക്കൊപ്പം ഇരട്ട സ്റ്റീരിയോ സ്പീക്കറുകള്‍ നല്‍കിയിട്ടുണ്ട്. 4,500 എംഎഎച്ച് ഡ്യുവല്‍ സെല്‍ ബാറ്ററിയാണ് ഫോണില്‍ ഉള്‍പ്പെടുത്തിയിരിക്കുന്നത്. ഇത് 65T വാര്‍പ്പ് ചാര്‍ജ് ഫാസ്റ്റ് ചാര്‍ജിംഗിനെ പിന്തുണയ്ക്കുന്നു.
