ഹൈദരാബാദ്: ഗണപതി പൂജ ആഘോഷങ്ങളുടെ സമാപനത്തിന് മുന്നോടിയായി ബന്ദ്‌ലഗുഡ ഗണേഷ് ലഡു ലേലത്തില്‍ പോയത് റെക്കോര്‍ഡ് തുകയ്ക്ക്. തെലങ്കാന രംഗ റെഡ്ഡി ജില്ലയിലെ ബന്ദ്‌ലഗുഡ ജാഗിര്‍ ഏരിയയിലെ കീര്‍ത്തി റിച്ച്മണ്ട് വിലാസിലായിരുന്നു ലേലം.ഏകദേശം 1.87 കോടി രൂപയ്ക്കാണ് ലഡ്ഡു ലേലത്തില്‍ പോയത്. കഴിഞ്ഞ വര്‍ഷത്തെ വിലയേക്കാള്‍ 61 ലക്ഷം രൂപയുടെ വര്‍ധനവാണ് ഇതവണത്തേതെന്നാണ് റിപ്പോര്‍ട്ടുകള്‍. ലേലത്തിലൂടെ ലഡ്ഡു സ്വന്തമാക്കിയാളുടെ പേര് ഇതുവരെ വെളിപ്പെടുത്തിയിട്ടില്ല.ഗണപതി ആഘോഷത്തിന്റെ അവസാന ദിവസം 1994 മുതല്‍ വര്ഷം തോറും ലേലം ചെയ്തുവരുന്ന ബാലാപൂര്‍ ഗണേഷ് ലഡ്ഡുവും ഇത്തവണ റെക്കോര്‍ഡ് തുകയ്ക്കാണ് ലേലത്തില്‍ പോയത്. കര്‍ഷകനായ കോലന്‍ മോഹന്‍ റെഡ്ഡിയെന്നയാളാണ് ബാലാപൂര്‍ ഗണേഷ് ലഡ്ഡു ലേലം ചെയ്യലിന് തുടക്കമിട്ടത്.
