സ്വര്‍ണ വിലയില്‍ വന്‍ ഇടിവ്; പവന് ഒറ്റയടിക്ക് കുറഞ്ഞത് 400 രൂപ
കൊച്ചി: സംസ്ഥാനത്ത് സ്വര്‍ണ വില വീണ്ടും ഇടിഞ്ഞു. ഒറ്റയടിക്ക് പവന് 400 രൂപയാണ് കുറഞ്ഞത്. ഒരു പവന് സ്വര്‍ണത്തിന് ഇന്ന് 35,040 രൂപയാണ് വില. ഒരു ഗ്രാമിന് 4,3800 രൂപയും. രാജ്യാന്തര വിപണിയിലും സ്വര്‍ണ വില കുത്തനെ ഇടിഞ്ഞു. സ്പോട് ഗോള്‍ഡ് ട്രോയ് ഔണ്‍സിന് 1,767.70 ഡോളറാണ് വില. കഴിഞ്ഞ ഒരാഴ്ചകൊണ്ട് പവന് 760 രൂപയോളമാണ് കുറഞ്ഞത്.
ഇന്നലെ സ്വര്‍ണം പവന് 120 രൂപ കൂടിയിരുന്നു. ഈ മാസം തുടക്കം മുതല്‍ ഇന്നുവരെ സ്വര്‍ണ വിലയില്‍ വലിയ ചാഞ്ചാട്ടമാണ് ഉണ്ടായത്. ഏപ്രില്‍ 22ന് സ്വര്‍ണ വില ഈമാസത്തെ ഏറ്റവും ഉയര്‍ന്ന നിരക്കിലായിരുന്നു. പവന് 36,080 രൂപയായിരുന്നു വില. അതിന് ശേഷമുള്ള മൂന്ന് ദിവസങ്ങളില്‍ സ്വര്‍ണ വില മാറ്റമില്ലാതെ തുടര്‍ന്നു. ഏപ്രില്‍ 12 മുതലാണ് സ്വര്‍ണ വില കൂടാനും കുറയാനും തുടങ്ങിയത്.
