കോയമ്പത്തൂരില്‍ ഓടുന്ന കാറില്‍ നിന്ന്
പെണ്‍കുട്ടിയുടെ മൃതദേഹം വലിച്ചെറിഞ്ഞു
കൊയമ്പത്തൂര്‍: കൊയമ്പത്തൂരില്‍ യുവതിയുടെ മൃതദേഹം കാറില്‍ നിന്ന് റോഡിലേക്ക് വലിച്ചെറിഞ്ഞു. തിങ്കളാഴ്ച പുലര്‍ച്ചെ അഞ്ച് മണിക്കാണ് സംഭവം നടക്കുന്നത്. കൊയമ്പത്തൂര്‍ അവിനാശി റോഡിന് സമീപം ചിന്നയം പാളയത്താണ് സംഭവം. ഓടുന്ന കാറില്‍ നിന്ന് പെണ്‍കുട്ടിയുടെ ശരീരം പുറത്തേക്ക് വലിച്ചെറിയുന്ന സിസിടിവി ദൃശ്യങ്ങള്‍ പുറത്ത് വന്നിട്ടുണ്ട്. ദേഹത്ത് ഗുരുതര പരിക്കുകള്‍ ഉണ്ട്. ആരാണ് മരിച്ചതെന്ന് ഇത് വരെ തിരിച്ചറിയാന്‍ ആയിട്ടില്ല. ദൃശ്യത്തിലെ കാറിനായുള്ള അന്വേഷണം പുരോഗമിക്കുകയാണ്. ഇപ്പോള്‍ കൊയമ്പത്തൂര്‍ മെഡിക്കല്‍ കോളേജിലാണ് മൃതദേഹം. പീളമേട് പൊലീസിനാണ് കേസിന്റെ അന്വേഷണ ചുമതല. രണ്ട് സംഘമായി തിരിഞ്ഞാണ് അന്വേഷണം.
