മലപ്പുറം: നിലമ്പൂര് അപകടത്തില് സംശയമെന്ന് വനംമന്ത്രി എ കെ ശശീന്ദ്രന്. ബോധപൂര്വം ചെയ്തതാണോ എന്ന് സംശയിക്കുന്നുവെന്നാണ് വനംമന്ത്രിയുടെ ?ഗുരുതര ആരോപണം. രാഷ്ട്രീയ ?ഗൂഢാലോചന സംശയിക്കുന്നുവെന്നും എകെ ശശീന്ദ്രന് ആരോപിച്ചു. സംഭവം നിലമ്പൂരില് അറിയുന്നതിന് മുമ്പ് മലപ്പുറത്ത് പ്രകടനം നടന്നു. ഇപ്പോള് ഇങ്ങനെ ഒരു സംഭവം ഉണ്ടായാല് ആരായിരിക്കും അതിന്റെ ഗുണഭോക്താക്കള് എന്നും വനംമന്ത്രി ചോദിച്ചു. വഴിക്കടവില് പന്നിക്കെണിയില് നിന്ന് ഷോക്കേറ്റ് പത്താം ക്ലാസ് വിദ്യാര്ത്ഥി അനന്തു മരിച്ച സംഭവത്തിലാണ് മന്ത്രിയുടെ ഗുരുതര ആരോപണം.
വനംമന്ത്രി പ്രസ്താവന പിന്വലിച്ച് മാപ്പ് പറയണമെന്ന് കെപിസിസി അധ്യക്ഷന് സണ്ണി ജോസഫ് ആവശ്യപ്പെട്ടു. മുഖ്യമന്ത്രി ഇടപെട്ട് എ.കെ ശശീന്ദ്രനെ തിരുത്തണമെന്നും സണ്ണി ജോസഫ് പറഞ്ഞു. വനംമന്ത്രി രാഷ്ട്രീയം കളിക്കുന്നുവെന്നും സണ്ണി ജോസഫ് രൂക്ഷഭാഷയില് കുറ്റപ്പെടുത്തി.
