അമേരിക്കക്കാരേക്കാള്‍ വരുമാനം കൂടുതല്‍ അമേരിക്കയിലെ ഇന്ത്യക്കാര്‍ക്ക്
അമേരിയ്ക്കയിലെ ഇന്ത്യന്‍ വംശജര്‍ ഇപ്പോള്‍ യുഎസ് പൗരന്‍മാരേക്കാള്‍ സമ്പന്നരോ. ആണെന്ന് സൂചിപ്പിയ്ക്കുന്നുണ്ട് ചില റിപ്പോര്‍ട്ടുകള്‍. ആളോഹരി ഗാര്‍ഹിക വരുമാനത്തിലാണ് അമേരിക്കക്കാരെ തന്നെ ഇന്ത്യന്‍ വംശജര്‍ പിന്നിലാക്കിയിരിക്കുന്നത്. മറ്റു രാജ്യങ്ങളില്‍ നിന്നുള്ളവര്‍രേക്കാളും കുടുംബ വാര്‍ഷിക വരുമാനം ഇന്ത്യന്‍ അമേരിക്കന്‍ വംശജര്‍ക്കു തന്നെ.
ഏകദേശം 87 ലക്ഷം രൂപയോളമാണ് അമേരിയ്ക്കയിലെ ഇന്ത്യന്‍ കുടുംബങ്ങളുടെ ശരാശരി വാര്‍ഷിക ശമ്പളം, 120,000 യുഎസ് ഡോളര്‍ ആണിത്..എന്നാല്‍ 7 ശതമാനം ഇന്ത്യന്‍ വംശജര്‍ ദാരിദ്ര്യരേഖയ്ക്കു താഴെയുള്ളവരാണെന്നതും ശ്രദ്ധേയമാണ്.
ദാരിദ്യരേഖക്കു താഴെ കഴിയുന്ന ഏറ്റവും കൂടുതല്‍ പൗരന്മാര്‍ മ്യാന്‍മാറില്‍ നിന്നുള്ളവരാണ്. നേപ്പാള്‍, ബംഗ്ലാദേശ് എന്നിവിടങ്ങളില്‍ നിന്നുള്ളവരുടെ വാര്‍ഷിക വരുമാനവും കുറവാണ് പാക്കിസ്ഥാനില്‍ നിന്നുള്ളവരുടെ വാര്‍ഷിക വരുമാനം ശരാശരി 79,000 ഡോളറാണ്.ആഫ്രിയ്ക്കന്‍ വംശജരെ അപേക്ഷിച്ച് ഏഷ്യന്‍ വംശജര്‍ തന്നെയാണ് അമേരിയ്ക്കയില്‍ കൂടുതല്‍ വരുമാനം ഉണ്ടാക്കുന്നത്. 63 ലക്ഷം രൂപയോളമാണ് ശരാശരി വാര്‍ഷിക ശമ്പളം.ഏഷ്യയില്‍ നിന്നുള്ള കുടിയേറ്റക്കാരില്‍ ഭൂരിഭാഗവും ഉന്നത വിദ്യാഭ്യാസം നേടിയവരാണ് സ്വാകര്യറിപ്പോര്‍ട്ടിലാണ് ഇത് സംബന്ധിച്ച പരമാര്‍ശം.
