ലെക്‌സസിന്റെ പുതിയ മോഡല്‍ ഇന്ത്യയില്‍ അവതരിപ്പിച്ചു
ജാപ്പനീസ് വാഹന നിര്‍മ്മാതാക്കളായ ടൊയോട്ടയുടെ കീഴിലെ ആഡംബര കാര്‍ നിര്‍മാതാക്കളാണ് ലെക്സസ് (Lexus). ഇപ്പോഴിതാ കമ്പനി 2021 ലെക്സസ് ഇഎസ് 300 എച്ച് ഫെയ്സ്ലിഫ്റ്റ് (Lexus es 300h Facelift) ഇന്ത്യയില്‍ അവതരിപ്പിച്ചതായി ഇന്ത്യാ ടുഡേ റിപ്പോര്‍ട്ട് ചെയ്യുന്നു. രണ്ട് ട്രിമ്മുകളായാണ് ഇത് അവതരിപ്പിച്ചിരിക്കുന്നത്. എക്സ്‌ക്വിസിറ്റിന് 56.65 ലക്ഷം രൂപയും ലക്ഷ്വറി വേരിയന്റിന് 61.85 ലക്ഷം രൂപയാണ് വാഹനത്തിന്റെ ഇന്ത്യയിലെ എക്‌സ്-ഷോറൂം വില.
2021 ലെക്സസ് ഇഎസ് 300h- ല്‍ പുനര്‍രൂപകല്‍പ്പന ചെയ്ത ഫ്രണ്ട് ഗ്രില്‍, പുതുതായി രൂപകല്‍പ്പന ചെയ്ത സ്ലീവ് ഹെഡ്ലാമ്പുകള്‍, പുതുതായി രൂപകല്‍പ്പന ചെയ്ത ഡ്യുവല്‍-ടോണ്‍ ഡാര്‍ക്ക് ഗ്രേ മെറ്റാലിക് 18 ഇഞ്ച് അലോയ് വീലുകള്‍ എന്നിവയുണ്ട്. 2021 ലെക്സസ് ഇഎസ് 300 എച്ചിലെ ബാക്കി മൂലകങ്ങള്‍ അതിന്റെ മുന്‍ഗാമിയെപ്പോലെ നിലനില്‍ക്കുന്നു.
2.5 ലിറ്റര്‍, നാല് സിലിണ്ടര്‍ പെട്രോള്‍ എഞ്ചിനും 16kWh ബാറ്ററി പാക്കുമാണ് 2021 ലെക്സസ് ഇഎസ് 300 എച്ചിന്റെ ഹൃദയം. 215 bhp കരുത്തും 221Nm ടോര്‍ക്കും ഈ യൂണിറ്റ് സൃഷ്ടിക്കും. CVT യൂണിറ്റ് വഴി മില്‍ മുന്‍ ചക്രങ്ങളിലേക്ക് പവര്‍ അയയ്ക്കുന്നു.
2020 ജനുവരി മുതല്‍ ടൊയോട്ട ഇന്ത്യയുടെ പ്ലാന്റില്‍ അസംബിള്‍ ചെയ്യുന്നതാണ് ലെക്‌സസിന്റെ എന്‍ട്രി ലെവല്‍ ആഡംബര ഹൈബ്രിഡ് കാര്‍. ഏഴാം തലമുറ Lexus ES 300h ന്റെ ഫെയ്സ്ലിഫ്റ്റ് എക്സ്റ്റീരിയറിനൊപ്പൊം ഇന്റീരിയറും പരിഷ്‌കരിച്ചിട്ടുണ്ട്. 2021 ലെക്സസ് ഇഎസ് 300 എച്ച് ഫെയ്സ്ലിഫ്റ്റ് ഇന്ത്യയില്‍ ടൊയോട്ട കാമ്രിയെ നേരിടുന്നത്.
2021 ലെക്സസ് ഇഎസ് 300 എച്ചിന്റെ ഉള്‍ വശത്ത് 12.3 ഇഞ്ച് ടച്ച്സ്‌ക്രീന്‍ ഇന്‍ഫോടെയ്ന്‍മെന്റ് സിസ്റ്റം സജ്ജീകരിച്ചിരിക്കുന്നു, അത് മുമ്പത്തേക്കാള്‍ കൂടുതല്‍ ഡ്രൈവര്‍ കേന്ദ്രീകരിച്ചിരിക്കുന്നു. ഉള്ളിലെ യാത്രക്കാര്‍ക്കുള്ള പ്രീമിയം ആകര്‍ഷണം വര്‍ദ്ധിപ്പിക്കുന്നതിനായി തുറന്ന പോര് ഫിനിഷുള്ള അപ്ഹോള്‍സ്റ്ററിക്ക് ഒരു വാല്‍നട്ട് ലഭിക്കുന്നു. ഫേസ് ലിഫ്റ്റ് ചെയ്ത ലെക്സസ് ഇഎസ് 300 എച്ച് ഇപ്പോള്‍ സോണിക് ഇറിഡിയം, സോണിക് ക്രോം എന്നിങ്ങനെ രണ്ട് പുതിയ നിറങ്ങളും അധികമായി വാഗ്ദാനം ചെയ്യുന്നു എന്നുമാണ് റിപ്പോര്‍ട്ടുകള്‍.
