സംസ്ഥാനത്തു സ്വർണ വിലയിൽ കുറവ് .
സംസ്ഥാനത്തു സ്വർണ വിലയിൽ കുറവ് . വ്യാഴാഴ്ച്ച കേരളത്തില്‍ പവന് 200 രൂപയും ഗ്രാമിന് 10 രൂപയും കുറഞ്ഞു. 35,200 രൂപയാണ് ഇന്ന് പവന് വില. ഗ്രാമിന് വില 4,400 രൂപ. ജൂണ്‍ മാസം സ്വര്‍ണം രേഖപ്പെടുത്തിയ ഏറ്റവും കുറഞ്ഞ വിലനിലവാരം പവന് 35,120 രൂപയാണ് (ജൂണ്‍ 21). ഏറ്റവും ഉയര്‍ന്ന നിരക്ക് 36,960 രൂപയും (ജൂണ്‍ 3).
മെയ് മാസം 1,680 രൂപയാണ് പവന് കൂടിയത്. ഏപ്രിലിലും 1,720 രൂപയുടെ വിലവര്‍ധനവ് പവന് രേഖപ്പെടുത്തുകയുണ്ടായി. ഇതേസമയം, മാര്‍ച്ചില്‍ 1,560 രൂപയും ഫെബ്രുവരിയില്‍ 2,640 രൂപയും പവന് വില കുറഞ്ഞിരുന്നു. കഴിഞ്ഞമാസം സ്വര്‍ണം കുറിച്ച ഏറ്റവും ഉയര്‍ന്ന നിരക്ക് 36,880 രൂപയും (മെയ് 26) ഏറ്റവും കുറഞ്ഞ നിരക്ക് 35,040 രൂപയുമാണ് (മെയ് 1, 2). സംസ്ഥാനത്തെ വെള്ളി നിരക്കില്‍ ഇന്ന് മാറ്റമില്ല. 1 ഗ്രാം വെള്ളിക്ക് 67.90 രൂപയാണ് വ്യാഴാഴ്ച്ച വില. 8 ഗ്രാം വെള്ളിക്ക് വില 543.20 രൂപ.
