കോവിഡ് - ഗന്ധവും സ്വാദും തിരിച്ചുകിട്ടാന്‍ ലളിത
ചികിത്സാ രീതി അവതരിപ്പിച്ച് ഇഎന്‍ടി സര്‍ജന്മാര്‍
കോഴിക്കോട് : കോവിഡ് കാരണം ഘ്രാണ ശക്്തിയും സ്വാദും നഷ്ടപ്പെടുന്നവര്‍ക്ക് അവ തിരിച്ചു കിട്ടാന്‍ ലളിതമായ ചികിത്സാ രീതി. നാരങ്ങ, റോസ്, കറയാമ്പു, യൂക്കാലിപ്റ്റസ് എന്നിവ മണക്കുകയാണ് ചികിത്സാ രീതി. ഇഎന്‍ടി സര്‍ജന്മാരുടെ വാര്‍ഷിക സമ്മേളനം 'കെന്റ് കോണ്‍ -2021' ഈ ചിക്തിസാ രീതി ഏറെ ഫല പ്രഥമാണെന്ന് വിലയിരുത്തി. കോവിഡ് ചികിത്സാ കാലയളവിലും കോവിഡ് നെഗറ്റീവായ ശേഷവും ദിവസേന രണ്ടു നേരം ഇരുപത് സെക്കന്റ് വീതം റോസ്, നാരങ്ങ, കറയാമ്പൂ, യൂക്കാലിപ്റ്റസ് എന്നിവ മണക്കണം. ഈ ഘ്രാണ പരിശീലനം ഏറെ ഫലപ്രഥമാണെന്നാണ് കണ്ടെത്തല്‍. ഈ ചികിത്സാ രീതി ചെലവു കുറഞ്ഞതും പൊതുവില്‍ ഫലപ്രഥവുമാണെന്ന്് പ്രമുഖ ഇഎന്‍ടി സര്‍ജന്മാര്‍ വിലിരുത്തി. കോവിഡ് -19ന്റെ ഭാഗമായി ഘ്രാണ ശക്തിയില്‍ കുറവു നേരിടുന്ന രോഗികളിലാണ് ഈ ചിക്തിസ നടത്തുന്നത്.
.
ശ്വസന സംവിധാനത്തെ പ്രതികൂലമായി ബാധിക്കുന്ന കോവിഡ് - 19 നിലനില്‍ക്കുന്ന സാഹചര്യത്തില്‍ ഇ.എന്‍.ടി സര്‍ജന്മാര്‍ ചികിത്സ രംഗത്ത് എടുക്കേണ്ട നടപടികളെ കേന്ദ്രീകരിച്ചായിരുന്നു കടവ് റിസോര്‍ട്ടില്‍ രണ്ടു ദിവസങ്ങളിലായി നടന്ന കെന്റ് കോണ്‍ 2021ലെ പ്രധാന ചര്‍ച്ച . രാജ്യത്തിനകത്തും പുറത്തും നിന്നുള്ള അഞ്ഞൂറിലേറെ ഓട്ടോലാറിങ്ങ്‌ഗോള ജിസ്റ്റുകള്‍ പങ്കെടുത്ത സമ്മേളനം നൂറിലേറെ ശാസ്ത്രീയ ചികിത്സാ രീതികളുടെ അവതരണങ്ങള്‍ക്കും ചര്‍ച്ചകള്‍ക്കും സാക്ഷ്യം വഹിച്ചു . കോവിഡ് - 19 ചികിത്സയുമായി ബന്ധപ്പെട്ട നടപടിക്രമങ്ങള്‍ക്കാണ് സമ്മേളനം പ്രാധാന്യം നല്‍കിയത്.
ഓട്ടോലാറിങ്ങ്ഗോളജിസ്റ്റ് അസോസിയേഷന്‍ ഓഫ് ഇന്ത്യ കേരള ഘടകത്തിന്റെ പുതിയ ഭാരവാഹികളായി ഡോ.സി പ്രഭാകരന്‍ (പ്രസിഡന്റ് ) , ഡോ.പി.ഷാജിദ് ( സെക്രട്ടറി ) , ഡോ. മന്‍സൂദ് കുരിക്കള്‍ (ട്രഷറര്‍) എന്നിവരെ തിരഞ്ഞെടുത്തു.
ഫോട്ടോ ക്യാപ്ഷന്‍,,,,
ഓട്ടോലാറിങ്ങ്ഗോളജിസ്റ്റ് അസോസിയേഷന്‍ ഓഫ് ഇന്ത്യ കേരള ഘടകത്തിന്റെ പുതിയ ഭാരവാഹികളായി തെരഞ്ഞടുക്കപ്പെട്ട ഡോ.സി പ്രഭാകരന്‍ (പ്രസിഡന്റ് ) , ഡോ.പി.ഷാജിദ് ( സെക്രട്ടറി ) , ഡോ. മന്‍സൂര്‍ കുരിക്കള്‍ (ട്രഷറര്‍) എന്നിവര്‍.
