വാട്സ്ആപ്പ് സന്ദേശങ്ങള്‍ക്ക് തെളിവ് മൂല്യമില്ലെന്ന് സുപ്രീംകോടതി
ഡെല്‍ഹി: വാട്സ് ആപ് സന്ദേശങ്ങള്‍ക്ക് തെളിവ് മൂല്യമില്ലെന്ന് സുപ്രീം കോടതി. അതുകൊണ്ട് തന്നെ കേസുകളില്‍ തെളിവായി വാട്സ് ആപ് സന്ദേശങ്ങള്‍ പരിഗണിക്കില്ലെന്നും സുപ്രീം കോടതി അറിയിച്ചു. ചീഫ് ജസ്റ്റിസ് എന്‍വി രമണ, ജസ്റ്റിസുമാരായ എഎസ് ബൊപ്പണ്ണ, ഋഷികേശ് റോയ് എന്നിവരടങ്ങിയ ബെഞ്ചിന്റേതാണ് ഉത്തരവ്.
ഇക്കാലത്ത് വാട്സ് ആപ് സന്ദേശങ്ങളുടെ തെളിവ് മൂല്യം എന്താണ്. ആര്‍ക്കും വാട്സ് ആപ് സന്ദേശങ്ങള്‍ സൃഷ്ടിക്കുകയോ ഡിലീറ്റ് ചെയ്യുകയോ ചെയ്യാം. ഇത്തരം വാട്സ് ആപ് സന്ദേശങ്ങള്‍ക്ക് മൂല്യമുണ്ടെന്ന് ഞങ്ങള്‍ കരുതുന്നില്ല-ബെഞ്ച് വ്യക്തമാക്കി. സൗത്ത് ദില്ലി മുന്‍സിപ്പല്‍ കോര്‍പ്പറേഷനും എടുഇസഡ് ഇന്‍ഫ്രാസര്‍വീസും ക്വിപ്പോ ഇന്‍ഫ്രാസ്ട്രക്ചറും തമ്മിലുള്ള കരാര്‍ കേസ് പരിഗണിക്കവെയാണ് കോടതിയുടെ പരാമര്‍ശം.
