വ്യാജ പേടിഎം ആപ്പ് ഉപയോഗിച്ച് തട്ടിപ്പ്; 8 പേര് അറസ്റ്റില്‍
ഹൈദരാബാദ്: വ്യാജ പേടിഎം ആപ്പ് ഉപയോഗിച്ച് തട്ടിപ്പ് നടത്തിയ എട്ടു പേര് അറസ്റ്റില്‍. ഹൈദരാബാദ് പൊലീസാണ് നാല് വ്യത്യസ്ത കേസുകളിലായി 8 പേരെ അറസ്റ്റ് ചെയ്തത്. പേടിഎം സ്പൂഫ് എന്ന ആപ്പ് ഉപയോഗിച്ചായിരുന്നു ഇവരുടെ തട്ടിപ്പ്.
കടയില്‍ കയറി ചില സാധനങ്ങള്‍ വാങ്ങിയതിനു ശേഷം പേടിഎം ആപ്പ് വഴി പണം അയച്ചിട്ടുണ്ടെന്ന് ഇവര്‍ പറയും. പേടിഎം സ്പൂഫ് ആപ്പിലൂടെ പണം പേ ചെയ്തു എന്ന് കാണിക്കാനാവും. പിന്നീട് പ്രതികള്‍ വാങ്ങിയ സാധനങ്ങളും കൊണ്ട് കടന്നുകളഞ്ഞു. പിന്നീടാണ് അവര്‍ പണം നല്‍കിയിട്ടില്ലെന്നും താന്‍ പറ്റിക്കപ്പെട്ടു എന്നും കടക്കാര്‍ക്കു മനസ്സിലായത്. ഓണ്‍ലൈന്‍ വിഡിയോകള്‍ വഴിയാണ് പ്രതികള്‍ ആപ്പിനെപ്പറ്റി അറിഞ്ഞത്. പിന്നീട് പ്ലേസ്റ്റോറില്‍ നിന്ന് അവര്‍ ആപ്പ് ഡൗണ്‍ലോഡ് ചെയ്തു. ചില ആപ്പുകള്‍ പ്ലേസ്റ്റോറിലുണ്ട്. ചില ആപ്പുകള്‍ ഡിലീറ്റ് ചെയ്തു. പൊതുജനങ്ങള്‍ ഈ ആപ്പുകളെപ്പറ്റി ബോധവാന്മാരാവണം. ഇങ്ങനെ എന്തെങ്കിലും സംഭവിച്ചാല്‍ പൊലീസിനെ അറിയിക്കണം.''- ഹൈദരാബാദ് സിറ്റി പൊലീസ് കമ്മീഷണര്‍ അഞ്ജനി കുമാര്‍ പറഞ്ഞു.
