കെ പി ശര്‍മ്മ ഒലി നേപ്പാള്‍ പ്രധാനമന്ത്രി സ്ഥാനം രാജിവെച്ചു; ഷേര്‍ ബഹാദൂര്‍ ദുബ പുതിയ പ്രധാനമന്ത്രിയായേക്കും
കാഠ്മണ്ഡു:നേപ്പാള്‍ പ്രധാനമന്ത്രി കെ പി ശര്‍മ്മ ഒലി സ്ഥാനം രാജി വെച്ചു. തെരഞ്ഞെടടുപ്പില്‍ ഭൂരിപക്ഷം ലഭിക്കാത്തതിനെ തുടര്‍ന്ന് പാര്‍ലമെന്റ് പിരിച്ചുവിട്ടതോടെ കാവല്‍ പ്രധാനമന്ത്രിയായി തുടരുന്നതിനെതിരെ സുപ്രീംകോടതി വിധി വന്നതോടെയാണ് ഒലി രാജി വെച്ചത്. പാര്‍ലമെന്റ് പുനസ്ഥാപിക്കാന്‍ നേപ്പാളി സുപ്രീംകോടതിയുടെ അഞ്ചംഗ ഭരണഘടനാ ബെഞ്ച് ഉത്തരവിട്ടു. അടുത്തതായി നേപ്പാളി കോണ്‍ഗ്രസ് പ്രസിഡന്റ് ഷേര്‍ ബഹാദൂര്‍ ദുബ പ്രധാനമന്ത്രിയാകുമെന്നാണ് വിവരം.
275 അംഗ പാര്‍ലമെന്റില്‍ 149 പേരുടെ പിന്തുണ തനിക്കുണ്ടെന്ന് ഷേര്‍ ബഹാദൂര്‍ ദുബ നേരത്തെ പ്രസിഡന്റ് ഭണ്ഡാരിയെ അറിയിച്ചിരുന്നു. എന്നാല്‍ ഒലിയുമായി അടുത്ത സൗഹൃദമുള്ള പ്രസിഡന്റ് പാര്‍ലമെന്റ് പിരിച്ചുവിട്ട് രാജ്യത്ത് തെരഞ്ഞെടുപ്പ് പ്രഖ്യാപിക്കുകയായിരുന്നു. ഇതിനെതിരെ സുപ്രീംകോടതി വിധി വന്നതോടെ ഒലി രാജിവെക്കുകയായിരുന്നു, പുതിയ പ്രധാനമന്ത്രിയായ ദുബയ്ക്ക് 30 ദിവസത്തിനകം ഭൂരിപക്ഷം തെളിയിക്കണം.
