ഓഹരി സൂചികകളില്‍ നേരിയ നേട്ടത്തോടെ തുടക്കം.
മുംബൈ: ഓഹരി സൂചികകളില്‍ നേരിയ നേട്ടത്തോടെ വിപണിക്ക് തുടക്കം. സെന്സെക്സ് 37 പോയന്റ് നേട്ടത്തില്‍ 51,568ലും നിഫ്റ്റി 12 പോയന്റ് ഉയര്‍ന്ന് 15,180ലുമാണ് വ്യാപാരം നടക്കുന്നത്. ബിഎസ്ഇയിലെ 787 കമ്പനികളുടെ ഓഹരികള്‍ നേട്ടത്തിലും 291 ഓഹരികള്‍ നഷ്ടത്തിലുമാണ്. 67 ഓഹരികള്‍ക്ക് മാറ്റമില്ല.
വിപ്ലോ, ഇന്‍ഫോസിസ്, ടെക് മഹീന്ദ്ര, എച്ചസിഎല്‍ ടെക്, എച്ചഡിഎഫ്‌സി ബാങ്ക്, ബജാജ് ഫിനാന്‍സ്, ഡോ. റെഡ്ഡീസ് ലാബ്, എച്ച്ഡിഎഫ്‌സി ലൈഫ് തുടങ്ങിയ ഓഹരികളാണ് നേട്ടത്തില്‍. ഐടിസി, കോള്‍ ഇന്ത്യ, ഒഎന്‍ജിസി, ടാറ്റ സ്റ്റീല്‍, ഹിന്‍ഡാല്‍കോ, ഗെയില്‍, ഭാരതി എയര്‍ടെല്‍, ഡിവീസ് ലാബ്, സണ്‍ഫാര്‍മ, യുപിഎല്‍, മാരുതി സുസുക്കി തുടങ്ങിയ ഓഹരികള്‍ നഷ്ടത്തിലാണ്.
ഗ്രാസിം, ഭാരത് ഫോര്‍ജ്, ഗ്ലെന്‍മാര്‍ക്ക്. അപ്പോളോ ഹോസ്പിറ്റല്‍ തുടങ്ങി 953 കമ്പനികള്‍ ഡിസംബര്‍ പാദത്തിലെ പ്രവര്‍ത്തനഫലം ഇന്നു പുറത്തുവിടും.
