കുവൈറ്റില്‍ ഡ്രൈവിംഗ് ലൈസന്‍സ് ഇനി ഡിജിറ്റല്‍ രൂപത്തില്‍
കുവൈത്ത് സിറ്റി: ഡ്രൈവിങ് ലൈസന്‍സിനും കാര്‍ റജിസ്‌ട്രേഷനും ഡിജിറ്റല്‍ സംവിധാനം ഏര്‍പ്പെടുത്താന്‍ ആഭ്യന്തരമന്ത്രാലയം ഒരുങ്ങുന്നു. സിവില്‍ ഐഡി കാര്‍ഡിനായില്‍ ഉപയോഗിക്കുന്ന മൈഎഡന്റ്റിറ്റി ആപ്പില്‍ ഡ്രൈവിങ് ലൈസന്‍സും കാര്‍ റജിസ്‌ട്രേഷനും കൂടി ഉള്‍പ്പെടുത്താനാണ് പദ്ധതി.
ലൈസന്‍സ്, കാര്‍ റജിസ്‌ട്രേഷന്‍ കാര്‍ഡ് എന്നിവ കൈവശം കരുതുന്നതിന് പകരം മൊബൈല്‍ ഫോണില്‍ കൊണ്ടുനടക്കാനാകും.
അതേസമയം ഗതാഗതനിയമ ലംഘനം കണ്ടെത്തിയാല്‍ മൊബൈല്‍ ഫോണ്‍ വഴി സന്ദേശം അയയ്ക്കുന്ന സംവിധാനവും ആഭ്യന്തരമന്ത്രാലയം
ഏര്‍പ്പെടുത്തുന്നുണ്ട്. നിയമലംഘനം നടന്ന സമയം, സ്ഥലം, സ്വഭാവം എന്നിവ ഉള്‍പ്പെടയുള്ളതാകും സന്ദേശം. പിഴ എളുപ്പത്തില്‍ അടയ്ക്കുന്നതിനും ഈടാക്കുന്നതിനും ഈ സംവിധാനം പ്രയോജനപ്പെടുമെന്നാണ് പ്രതീക്ഷ.
