സംസ്ഥാനത്ത് സ്വര്‍ണവില ഇന്നും കൂട്ടി. അഞ്ചുദിവസത്തിനിടെ കൂട്ടിയത് 520 രൂപ.
സംസ്ഥാനത്ത് സ്വര്‍ണവില വീണ്ടും ഉയര്‍ന്നു. പവന് 80 രൂപയാണ് വര്‍ധിച്ചത്. ഇതോടെ ഒരു പവന് സ്വര്‍ണത്തിന്റെ വില 35,520 രൂപയായി. ഗ്രാമിന് പത്ത് രൂപ ഉയര്‍ന്ന് 4440 രൂപയില്‍ എത്തി. അഞ്ച് ദിവസത്തിനിടെ 520 രൂപയാണ് സ്വര്‍ണത്തിന് വര്‍ധിച്ചത്. ആഗോള വിപണിയിലുണ്ടാകുന്ന മാറ്റങ്ങളാണ് സ്വര്‍ണവില വര്‍ധിക്കാന്‍ കാരണം. അതേസമയം ഡോളര്‍ ശക്തിയാര്‍ജ്ജിക്കുന്നത് ഉള്‍പ്പെടെയുള്ള ഘടകങ്ങള്‍ സ്വര്‍ണവിലയെ സ്വാധീനിക്കുന്നതായാണ് വിലയിരുത്തല്‍.
കഴിഞ്ഞ മാസം ഏകദേശം 2000 രൂപയുടെ കുറവ് രേഖപ്പെടുത്തിയ ശേഷമാണ് സ്വര്‍ണവിലയില്‍ മുന്നേറ്റം പ്രകടമാകുന്നത്. കഴിഞ്ഞ മാസത്തിന്റെ തുടക്കത്തില്‍ 36,880 രൂപയായിരുന്നു ഒരു പവന് സ്വര്‍ണത്തിന്റെ വില. എന്നാല്‍ പിന്നീടുള്ള ദിവസങ്ങളില്‍ വില കുറയുന്നതാണ് കണ്ടത്. ജൂണ്‍ 21 ന് പവന് 35,120 ലെത്തിയ സ്വര്‍ണവില പിന്നീടുള്ള ദിവസങ്ങളില്‍ ഉയരുന്നതാണ് ദൃശ്യമായത്. വെള്ളിയുടെ വിലയിലും സമാനമായ വര്‍ധനവാണ് രേഖപ്പെടുത്തിയിരിക്കുന്നത്.
