ജോജുവുമായി ഒത്തുതീര്‍പ്പിന് കോണ്‍ഗ്രസ്
നടന് ജോജുവുമായി ഒത്തു തീര്‍പ്പിന് കോണ്‍ഗ്രസ് നേതാക്കളുടെ ശ്രമം. പൊലീസ് അറസ്റ്റ് നടപടികളിലേക്ക് കടന്നതോടെയാണ് കോണ്‍ഗ്രസിന്റെ നീക്കം. ജോജുവിന്റെ സുഹൃത്തുക്കളുമായി ചര്‍ച്ച നടത്തിയെന്ന് ഡിസിസി അധ്യക്ഷന്‍ മുഹമ്മദ് ഷിയാസ് പറഞ്ഞു. ജോജുവിന്റെ വാഹനം തകര്‍ത്ത സംഭവത്തില്‍ ഒരാളെ പൊലീസ് അറസ്റ്റ് ചെയ്തിരുന്നു.
അതേസമയം, ഒന്നാം പ്രതി മുന്‍ മേയര്‍ ടോണി ചമ്മിണി ഒളിവിലെന്ന് പൊലീസ്. അറസ്റ്റ് ഭയന്ന് ചമ്മിണി അടക്കം എല്ലാ പ്രതികളും മുങ്ങിയതായി പൊലീസ് വ്യക്തമാക്കി. കേസിനെ നിയമപരമായി നേരിടുമെന്നും അറസ്റ്റ് ഭയക്കുന്നില്ലെന്നുമായിരുന്നു ടോണി ചമ്മിണി മാധ്യമങ്ങളിലൂടെ പ്രതികരിച്ചത്. എന്നാല്‍ കേസില്‍ ആദ്യ അറസ്റ്റ് ഉണ്ടായതോടെ കോണ്‍ഗ്രസ് നേതാക്കള്‍ കൂട്ടത്തോടെ ഒളിവില്‍ പോയെന്നും പൊലീസ് വ്യക്തമാക്കി
