വാഷിങ്ടണ്‍: ആരോഗ്യം വീണ്ടെടുത്തുവെന്ന് ബഹിരാകാശത്ത് നിന്ന് തിരിച്ചെത്തിയ സുനിത വില്യംസ്. കഴിഞ്ഞ ദിവസം നാല് മൈല്‍ ഓടി. ഇപ്പോഴും പൊതുജനം ഞങ്ങളുടെ കാര്യത്തില്‍ ഇത്രയും ശ്രദ്ധ നല്‍കുന്നുവെന്നത് അത്ഭുതപ്പെടുത്തുന്നു. അന്താരാഷ്ട്ര ബഹിരാകാശ നിലയത്തില്‍ നില്‍ക്കുമ്പോള്‍ ജോലിയില്‍ മാത്രമാണ് ശ്രദ്ധിച്ചത്. ഭൂമിയിലെ വിവാദങ്ങള്‍ ആ സമയത്ത് ശ്രദ്ധിച്ചതേ ഇല്ലെന്നും അവര്‍ പറഞ്ഞു.
ദൗത്യങ്ങള്‍ തുടരുന്നതിനാല്‍ തിരിച്ചുവരവിന്റെ കാര്യത്തില്‍ ആശങ്കയേ ഉണ്ടായിരുന്നില്ല. എത്രയും പെട്ടന്ന് കുടുംബത്തെ അരുമ മൃഗങ്ങളെയും കാണാനായിരുന്നെങ്കില്‍ എന്ന് ചിന്തിച്ചിരുന്നു. ഞങ്ങള്‍ക്ക് വേണ്ടി ഡ്രാഗണ്‍ പേടകത്തിലെ ഇരിപ്പിടം ഒഴിഞ്ഞുകൊടുക്കേണ്ടി വന്നവര്‍ക്ക് നന്ദിയുണ്ടെന്നും സ്റ്റാര്‍ലൈനര്‍ മികച്ച പേടകമാണെന്നും അവര്‍ പറഞ്ഞു.
