ഫ്‌ളിപ്കാര്‍ട്ട് സ്മാര്ട്ട്ഫോണ് കാര്‍ണിവല്‍ തുടങ്ങി
ഇകോമേഴ്സ് വമ്പന്മാരായ ഫ്‌ളിപ്കാര്‍ട്ട് സ്മാര്ട്ട്ഫോണ് കാര്‍ണിവല്‍ ആരംഭിച്ചു. ഈ മാസം 12 വരെ നീണ്ട് നില്‍ക്കുന്ന സ്മാര്ട്ട്ഫോണ് കാര്‍ണിവലില്‍ നിരവധി സ്മാര്ട്ട്ഫോണുകള് മികച്ച ഡിസ്‌കൗണ്ടോടെയും ഓഫറുകളിലും സ്വന്തമാക്കാം. ഏറെ ആവശ്യക്കാരുള്ള ഐഫോണ്‍ SE, ഐഫോണ്‍ XR, റിയല്‍മി C12, പോക്കോ C3, അടുത്തിടെ വില്പനക്കെത്തിയ റിയല്‍മി നാര്‍സോ 30A എന്നെ ഫോണുകള്‍ക്കെല്ലാം ഫ്‌ലിപ്കാര്‍ട്ട് സ്മാര്ട്ട്ഫോണ് കാര്‍ണിവലില്‍ ഓഫര്‍ ഒരുക്കിയിട്ടുണ്ട്. ഇത് കൂടാതെ ആക്‌സിസ് ബാങ്ക് ഡെബിറ്റ്, ക്രെഡിറ്റ് കാര്‍ഡുകള്‍ വഴി ഫ്‌ലിപ്കാര്‍ട്ട് സ്മാര്ട്ട്ഫോണ് കാര്‍ണിവലില്‍ ഫോണ്‍ വാങ്ങുമ്പോള്‍ 1,250 രൂപയുടെ ഇന്‍സ്റ്റന്റ് ക്യാഷ്ബാക്കും ഫ്‌ലിപ്കാര്‍ട്ട് ഒരുക്കിയിട്ടുണ്ട്.
ഓഫറിന്റെ ഭാഗമായി ഐഫോണ്‍ ശ്രേണിയിലെ ഏറ്റവും വിലക്കുറവുള്ള ഫോണ്‍ ആയ ഐഫോണ്‍ SE (2020) 29,999 രൂപയ്ക്ക് വാങ്ങാം. . അടിസ്ഥാന 64 ജിബി മോഡലിനാണ് ഈ വില. 128 ജിബി ഓപ്ഷന് 34,999 രൂപയാണ് ഓഫര്‍ വില. ഐഫോണ്‍ XR-ന്റെ വിലയും കുറവാണ്. 64 ജിബി സ്റ്റോറേജ് ഓപ്ഷന് 38,999 രൂപയും 128 ജിബി മോഡലിന് 43,999 രൂപയും മാത്രം.
സാംസങ് ഗാലക്സി S20 FE 5,000 രൂപ ഡിസ്‌കൗണ്ടില്‍ 44,999 രൂപയ്ക്ക് കാര്‍ണിവലില്‍ വാങ്ങാം. ഇതുകൂടാതെ 7,000 രൂപയുടെ എക്‌സ്‌ചേഞ്ച് ഓഫറും ഒരുക്കിയിട്ടുണ്ട്.ഷവോമിയുടെ റെഡ്മി നോട്ട് 9 പ്രോ മാക്‌സ് ഫോണിന് 2,000 രൂപയുടെ ഡിസ്‌കൗണ്ട് ആണ് ഫ്‌ളിപ്പ്കാര്‍ട്ടില്‍. റെഡ്മി നോട്ട് 9 ശ്രേണിയിലെ പ്രീമിയം മോഡല്‍ ആയ പ്രോ മാക്സിന്റെ വില ഇപ്പോള്‍ 14,999 രൂപയിലാണ് ആരംഭിക്കുന്നത്.
മോട്ടോറോളയുടെ ഏറ്റവും വിലക്കുറവുള്ള 5ജി ഫോണ്‍ മോട്ടോ ജി 5ജിയ്ക്ക് 2,000 രൂപയുടെ എക്‌സ്‌ചേഞ്ച് ഓഫര്‍ ഒരുക്കിയിട്ടുണ്ട്. 24,990 രൂപ വിലയുള്ള ഐക്യൂ 3 സ്മാര്ട്ട്ഫോണ് പ്രതിമാസം 4,998 രൂപയ്ക്ക് നോ-കോസ്റ്റ് ഇഎംഐ ഓപ്ഷനായും സ്വന്തമാക്കാം.
ഉണ്ട് സാംസങ് ഗാലക്സി F41 സ്മാര്‍ട്ട്‌ഫോണിന് ഫ്‌ലിപ്കാര്‍ട്ട് സ്മാര്ട്ട്ഫോണ് കാര്‍ണിവലില്‍ 1,500 രൂപയാണ് ഡിസ്‌കൗണ്ട്. 64GB മോഡല്‍ 15,999 രൂപയ്ക്കും, 128 ജിബി മോഡല്‍ 16,499 രൂപയ്ക്കും ഓഫറില്‍ സ്വന്തമാക്കാം. ബജറ്റ് സ്മാര്ട്ട്ഫോണ് ആയ റിയല്‍മി C12-ന് 500 രൂപയാണ് കിഴിവ്. 3 ജിബി റാം + 32 ജിബി സ്റ്റോറേജ് മോഡല്‍ 8,499 രൂപയ്ക്ക് ഇപ്പോള്‍ സ്വന്തമാക്കാം.
