ഭവനവായ്പകള്‍ക്ക് ഓഫറുകളുമായി എസ്ബിഐ; പ്രോസസ്സിംഗ് ഫീസില്‍ 100 ശതമാനം ഇളവ് നല്‍കും
മുംബൈ: ഭവന വായ്പകളുടെ പ്രോസസ്സിംഗ് ഫീസില്‍ 100 ശതമാനം ഇളവ് നല്‍കുന്ന മണ്‍സൂണ്‍ ധമാക്ക ഓഫര്‍ സ്റ്റേറ്റ് ബാങ്ക് ഓഫ് ഇന്ത്യ പ്രഖ്യാപിച്ചു. ആഗസ്റ്റ് 31 വരെയാണ് ഈ ഓഫര്‍ ലഭ്യമാകുക. പ്രോസസിംഗ് ഫീ കൂടാതെ യോനോ ആപ്പ് വഴി അപേക്ഷിക്കുന്ന ഹോം ലോണിന് 5 ബിപിഎസ് (0.05 ശതമാനം) ഇളവും ഈ ഓഫറിലൂടെ ലഭ്യമാകുമെന്ന് എസ്ബിഐ അറിയിച്ചു. കൂടാതെ വനിതാ ഹോം ലോണ്‍ വായ്പയെടുക്കുന്നവര്‍ക്ക് 5 ബിപിഎസ് ഇളവ് ലഭിക്കുമെന്നും എസ്ബിഐ അറിയിച്ചു.
ഭവന വായ്പാ ഉപഭോക്താക്കള്‍ക്ക് മണ്‍സൂണ്‍ ധമാക്ക ഓഫര്‍ പ്രഖ്യാപിക്കുന്നതില്‍ ഞങ്ങള്‍ സന്തുഷ്ടരാണെന്ന് ബാങ്ക് എംഡി സിഎസ് ഷെട്ടി പറഞ്ഞു.. പലിശ നിരക്ക് ചരിത്രത്തിലെ ഏറ്റവും താഴ്ന്ന നിലയിലായതിനാല്‍, പ്രോസസ്സിംഗ് ഫീസ് ഇളവ് വാഗ്ദാനം ചെയ്യുന്നത് വീട് വാങ്ങുന്നവരെ എളുപ്പത്തില്‍ തീരുമാനമെടുക്കാന്‍ സഹായിക്കുകയും പ്രോത്സാഹിപ്പിക്കുകയും ചെയ്യുമെന്നാണ് വിശ്വാസമെന്നും അദ്ദേഹം കൂട്ടിച്ചേര്‍ത്തു.
