ഉന്നത സൈനികമേധാവിയുടെ അപകട വാര്‍ത്തയില്‍ ഞെട്ടി രാജ്യം പ്രതിരോധമന്ത്രിയുടെ പ്രസ്താവന ഉടന്‍
ദില്ലി: സംയുക്ത സൈനിക മേധാവി ബിപിന്‍ റാവത്തും സംഘവും സഞ്ചരിച്ച ഹെലികോപ്ടര്‍ തകര്‍ന്നു വീണ അപകടത്തെക്കുറിച്ച് പ്രതിരോധമന്ത്രി രാജ്‌നാഥ് സിംഗ് അല്‍പസമയത്തിനകം പാര്‍ലമെന്റില്‍ പ്രസ്താവന നടത്തും. അപകടത്തെക്കുറിച്ച് ഇതിനോടകം തന്നെ പ്രധാനമന്ത്രി നരേന്ദ്രമോദിയെ നേരില്‍ കണ്ട് പ്രതിരോധമന്ത്രി വിശദീകരണം നല്കി കഴിഞ്ഞു.
അപകടസ്ഥലത്ത് നിന്നും ബിപിന്‍ റാവത്തിനേയും ഭാര്യ മധുലിക റാവത്തിനേയും രക്ഷാപ്രവര്‍ത്തകര്‍ ആശുപത്രിയിലേക്ക് മാറ്റിയിട്ടുണ്ട്. ബിപിന്‍ റാവത്തിന് 80 ശതമാനത്തോളം പൊള്ളലേറ്റെന്നും ഭാര്യ അതീവ ഗുരുതരാവസ്ഥയിലാണെന്നും വാര്‍ത്താ ഏജന്‍സികള്‍ ഇപ്പോള്‍ റിപ്പോര്‍ട്ട് ചെയ്യുന്നുണ്ട്. ജനറല്‍ ബിപിന്‍ റാവത്തിന്റെ കൈയ്ക്കും കാലിനും കാര്യമായി പരിക്കേറ്റു എന്നാണ് വിവരം. അനൗദ്യോഗികമായി വരുന്ന ഇത്തരം വാര്‍ത്തകള്‍ക്ക് അപ്പുറം സംയുക്ത സൈനികമേധാവിയുടെ ആരോഗ്യനിലയെക്കുറിച്ച് ഒരു ഔദ്യോഗിക പ്രതികരണം ഇതുവരെ സര്‍ക്കാരില്‍ നിന്നുണ്ടായിട്ടില്ല.
രാഷ്ട്രപതി, ഉപരാഷ്ട്രപതി, പ്രധാനമന്ത്രി എന്നിവരാണ് രാജ്യത്തെ പ്രോട്ടോക്കോള്‍ പട്ടികയില്‍ മുന്‍നിരയില്‍ ഉള്ളത് ഭരണഘടനാപദവികള്‍ക്ക് പുറത്തുള്ളവരില്‍ ഏറ്റവും പ്രധാനി സംയുക്ത സൈനിക മേധാവിയാണ് അദ്ദേഹത്തിന് താഴെ കര,നാവിക,വ്യോമസേനാ മേധാവിമാരും. ഇങ്ങനെ അതീവ പ്രാധാന്യമര്‍ഹിക്കുന്ന വിവിഐപിയാണ് അപകടത്തില്‍പ്പെട്ടത് എന്നതിനാല്‍ അതീവ ഗൗരവത്തോടെയാവും ഇക്കാര്യത്തില്‍ തുടര്‍നടപടിയുണ്ടാവുക.
ബിപിന്‍ റാവത്തിന്റെ ആരോഗ്യനിലയടക്കമുള്ള വിഷയങ്ങളിലും അപകടത്തിന്റെ വിശദാംശങ്ങളും സംബന്ധിച്ച വിവരങ്ങള്‍ പ്രതിരോധമന്ത്രിയായി രാജ്യത്തെ അറിയിക്കുക. അല്‍പസമയത്തികനം ഇക്കാര്യത്തില്‍ ലോക്സഭയില് രാജ്‌നാഥ് സിം?ഗ് പ്രസ്താവന നടത്തും. ഇതിനോടകം പ്രധാനമന്ത്രിയെ കണ്ട രാജ്‌നാഥ് സിം?ഗ് അപകടം സംബന്ധിച്ച വിശദാംശങ്ങള്‍ അദ്ദേഹത്തെ ധരിപ്പിച്ചിട്ടുണ്ട്. പ്രതിരോധമന്ത്രാലയത്തിലെത്തി ഉന്നത ഉദ്യോ?ഗസ്ഥരുടെ ഒരു യോ?ഗത്തിലും രാജ്‌നാഥ് സിം?ഗ് പങ്കെടുത്തു.
ചെന്നൈയിലായിരുന്ന തമിഴ്നാട് മുഖ്യമന്ത്രി എം.കെ സ്റ്റാലിന്‍ ഔദ്യോഗിക പരിപാടികള്‍ റദ്ദാക്കി കോയമ്പത്തൂരിലേക്ക് തിരിച്ചിട്ടുണ്ട്. പശ്ചിമബംഗാള്‍ മുഖ്യമന്ത്രി മമതാ ബാനര്‍ജിയും തന്റെ ഔദ്യോഗിക പരിപാടികള്‍ റദ്ദാക്കി. വിവിധ മുഖ്യമന്ത്രിമാരും കേന്ദ്രമന്ത്രിമാരും രാഷ്ട്രീയ പ്രമുഖരും അപകടത്തില്‍ ഞെട്ടലും ഖേദവും രേഖപ്പെടുത്തിയിട്ടുണ്ട്. വ്യോമസേനാ മേധാവി വി.ആര്.ചൌധരിയോട് അടിയന്തരമായി അപകടസ്ഥലത്തേക്ക് എത്താന്‍ പ്രതിരോധമന്ത്രി രാജ്‌നാഥ് സിംഗ് ആവശ്യപ്പെട്ടു. പ്രതിരോധമന്ത്രിയുടെ പ്രസ്താവനയ്ക്ക് മുന്നോടിയായി ദേശീയ സുരക്ഷാഉപദേഷ്ടാവ് അജിത്ത് ഡോവല്‍ പാര്‍ലമെന്റില്‍ എത്തി.
ഇത്രയും വിവിഐപിയായ സൈനിക ഉദ്യോഗസ്ഥന് ഒരു സൈനിക ഹെലികോപ്ടര്‍ തകര്‍ന്നുള്ള അപകടത്തില്‍ ഗുരുതരമായി പരിക്കേറ്റു എന്നത് പ്രതിരോധസേനകളെ ആകെ അമ്പരപ്പിച്ചിട്ടുണ്ട്. ഇക്കാര്യത്തില്‍ വിശദമായ അന്വേഷണം തന്നെ ഉടനെയുണ്ടാവും. ഈ വര്ഷം മറ്റൊരും ഹെലികോപ്ടറും അപകടത്തില്‍പ്പെട്ടിരുന്നുവെങ്കിലും അത്യാധുനിക റഷ്യന്‍ നിര്‍മ്മിത ഹെലികോപ്ടറായ എം.17-ന് പൊതുവില്‍ കാര്യക്ഷമതയ്ക്ക് പേരുകേട്ടതാണ്. പ്രധാനമന്ത്രിക്ക് സഞ്ചരിക്കാനും ഈ ഹെലികോപ്ടര്‍ ഉപയോഗിക്കാറുണ്ട്. . രക്ഷാപ്രവര്‍ത്തനത്തിനും സൈനികനീക്കത്തിനും ചരക്കുനീക്കത്തിനും പ്രതിരോധമന്ത്രിയടക്കം വിവിഐപികളുടെ സഞ്ചാരത്തിനും ഈ ഹെലികോപ്ടര്‍ ഉപയോ?ഗിക്കാറുണ്ട്.
