uniformcivilcode in bjp ruling states
ഒരേ രാജ്യത്ത് എന്തിനാണ് വ്യക്തിനിയങ്ങള്‍ എന്ന് ചോദിച്ചുകൊണ്ടാണ് മധ്യപ്രദേശ് മുഖ്യമന്ത്രി ശിവരാജ് സിംഗ് ചൗഹാന്‍ ഏകീകൃത സിവില്‍ കോഡ് ഉടന്‍ നടപ്പാക്കുമെന്ന് പ്രഖ്യാപിച്ചത്. പല ആദിവാസി പുരുഷന്മാരും കല്യാണം കഴിക്കുന്നത് സ്ത്രീകളുടെ ഭൂമി കൈക്കലാക്കാന്‍ വേണ്ടി മാത്രമാണെന്നും അദ്ദേഹം പറഞ്ഞു.
ബിജെപി ഭരിക്കുന്ന സംസ്ഥാനങ്ങളായ ഗുജറാത്തും ഹിമാചല്‍ പ്രദേശും കഴിഞ്ഞ മാസങ്ങളില്‍ തന്നെ ഏകീകൃത സിവില്‍ കോഡ് ഉടന്‍ നടപ്പിലാക്കുമെന്ന് പ്രഖ്യാപിച്ചിരുന്നു. ഏകീകൃത സിവില്‍ കോഡ് നടപ്പിലാക്കുന്നതിനായി സമിതിയെ നിയോഗിക്കുമെന്ന് മഹാരാഷ്ട്ര ഉപമുഖ്യമന്ത്രി ദേവേന്ദ്ര ഫട്നാവിസും പ്രഖ്യാപിച്ചിരുന്നു. ഏകീകൃത സിവില്‍ കോഡ് സംസ്ഥാനത്ത് നടപ്പിലാക്കിയാല്‍ അതിനെ പിന്തുണയ്ക്കുമെന്ന് രാജ് താക്കറെ ഉള്‍പ്പെടെയുള്ളവരും കഴിഞ്ഞ ദിവസം പരസ്യമായി പ്രഖ്യാപിച്ചിരുന്നു.
