ഓഹരി സൂചികകളില്‍ കുതിപ്പ് തുടരുന്നു; നിഫ്റ്റി 16,300 ന് മുകളില്‍
മുംബൈ: ഓഹരി സൂചികകളില്‍ കുതിപ്പ് തുടരുന്നു. സെന്സെക്സ് 241 പോയന്റ് ഉയര്‍ന്ന് 54,643ലും നിഫ്റ്റി 59 പോയന്റ് നേട്ടത്തില്‍ 16,318ലുമാണ് ഇന്ന് വ്യാപാരം ആരംഭിച്ചത്. ഫാര്‍മ, ബാങ്ക്, റിയാല്‍റ്റി, ഉപഭോക്തൃ ഉത്പന്നം തുടങ്ങിയ വിഭാഗങ്ങളിലെ സൂചികകളാണ് ഉയര്‍ച്ചയില്‍.
കൊട്ടക് മഹീന്ദ്ര ബാങ്ക്, ടൈറ്റാന്‍, എച്ച്ഡിഎഫ്സി, ബജാജ് ഫിന്‍സര്‍വ്, റിലയന്‍സ്, എസ്ബിഐ, എല്‍ആന്‍ഡ്ടി, മഹീന്ദ്ര ആന്‍ഡ് മഹീന്ദ്ര, ഏഷ്യന്‍ പെയിന്റ്സ്, ഡോ.റെഡ്ഡീസ് ലാബ്, ആക്സിസ് ബാങ്ക്, എച്ച്സിഎല്‍ ടെക് തുടങ്ങിയ ഓഹരികളാണ് ഇന്ന് നേട്ടത്തില്‍.
അതേസമയം ഐടിസി, ടെക് മഹീന്ദ്ര, ടാറ്റ സ്റ്റീല്‍, എന്‍ടിപിസി, എച്ച്ഡിഎഫ്സി ബാങ്ക്, സണ്‍ ഫാര്‍മ, ഇന്‍ഡസിന്‍ഡ് ബാങ്ക്, മാരുതി സുസുകി തുടങ്ങിയ ഓഹരികള്‍ നഷ്ടത്തിലുമാണ്.
സൊമാറ്റോ, കോള്‍ ഇന്ത്യ, ലുപിന്‍, പവര്‍ഗ്രിഡ് കോര്‍പ്, എവറഡി ഇന്‍ഡസ്ട്രീസ്, കിംസ്, മാക്സ് ഫിനാന്‍ഷ്യല്‍ സര്‍വീസ്, വേള്‍പൂള്‍ ഇന്ത്യ തുടങ്ങി 200 ലേറെ കമ്പനികളാണ് ജൂണ്‍ പാദത്തിലെ പ്രവര്‍ത്തന ഫലം ഇന്ന് പുറത്തുവിടുന്നത്.
