നാമനിര്ദേശ പത്രികകളുടെ സൂക്ഷ്മ പരിശോധന ഇന്ന്, പത്രിക നല്കിയത് 1252 പേര്; വിമതരെയും അപരന്മാരെയും പിന്തിരിപ്പിക്കാന് തീവ്ര ശ്രമം
തിരുവനന്തപുരം: നിയമസഭാ തെരഞ്ഞെടുപ്പിനുള്ള നാമനിര്ദേശ പത്രികകളുടെ സൂക്ഷ്മ പരിശോധന ഇന്ന്. 140 മണ്ഡലങ്ങളിലായി 1252 പേരാണ് പത്രിക നല്കിയത്. വിമതരെയും അപരന്മാരെയും പിന്തിരിപ്പിക്കാന് തീവ്ര ശ്രമവുമായി പാര്ട്ടികളും സ്ഥാനാര്ത്ഥികളും രം?ഗത്തുണ്ട്. സ്ഥാനാര്ത്ഥിത്വം പിന്വലിക്കാന് മാര്ച്ച് 26 വരെയാണ് സമയം അനുവദിച്ചിരിക്കുന്നത്. പല മണ്ഡലങ്ങളിലും പ്രമുഖ മുന്നണികള്ക്ക് വിമത സ്ഥാനാര്ഥികള് രംഗത്തുണ്ട്. ഇവരെ 26നകം അനുനയിപ്പിക്കാനുള്ള ശ്രമത്തിലാണ് നേതാക്കള്. ഇതിന് ശേഷമാകും കേരളത്തിലെ യഥാര്ത്ഥ മത്സര ചിത്രം തെളിയുക. സംസ്ഥാനത്തെ അന്തിമ വോട്ടര് പട്ടിക ഇന്ന് പ്രസിദ്ധീകരിക്കും. ഇത്തവണ 2.72 കോടി വോട്ടര്മാരാണ് കേരളത്തിന്റെ രാഷ്ട്രീയ ഭാവി നിര്ണ്ണയിക്കാന് വിധിയെഴുതുന്നത്.
കൊടുവള്ളിയില് 18 പേര് പത്രിക സമര്പ്പിച്ചു. തിരുവനന്തപുരം മണ്ഡലത്തിലും മഞ്ചേശ്വരം മണ്ഡലത്തിലും 17 പേര് വീതം പത്രിക നല്കിയിട്ടുണ്ട്. ഇന്നാണ് സൂക്ഷ്മ പരിശോധന നടക്കുക. വ്യാഴാഴ്ച വൈകിട്ട് അഞ്ച് മണിവരെയാണ് പത്രിക പിന്വലിക്കാനുള്ള സമയം. അന്തിമ മത്സര ചിത്രം വ്യാഴാഴ്ച വ്യക്തമാകും. സംസ്ഥാനത്ത് നാമനിര്ദ്ദേശ പത്രിക സമര്പ്പിക്കുന്നതിനുള്ള തീയതി ഇന്നലെയാണ് അവസാനിച്ചത്. സംസ്ഥാനത്ത് 1252 നാമനിര്ദ്ദേശ പത്രികകളാണ് സമര്പ്പിച്ചിട്ടുള്ളതെന്ന് തെരഞ്ഞെടുപ്പ് കമ്മീഷന് അറിയിച്ചു. ഏറ്റവും കൂടുതല് പേര് പത്രിക സമര്പ്പിച്ചത് കൊടുവള്ളി മണ്ഡലത്തിലാണ്. ഇവിടെ 18 പേരാണ് പത്രിക സമര്പ്പിച്ചിരിക്കുന്നത്. കോഴിക്കോട് ജില്ലയില് ആകെ നാമനിര്ദേശപത്രിക സമര്പ്പിച്ചത് 223 പേരാണ്. ഡമ്മി സ്ഥാനാര്ഥികള് ഉള്പ്പെടെയുള്ളവരുടെ പത്രിക സമര്പ്പണത്തിന്റെ കണക്കാണ് ഇത് എന്നതിനാല് തന്നെ സംസ്ഥാനത്തെ അന്തിമ പോരാട്ട ചിത്രം തെളിഞ്ഞിട്ടില്ല.
