മലയാളികളുടെ പ്രിയ താരമാണ് നടന് മമ്മൂട്ടി. കാലങ്ങള്‍ നീണ്ട തന്റെ അഭിനയ ജീവിതത്തില്‍ എന്നും ഓര്‍ത്തിരിക്കാന്‍ ഒട്ടനവധി കഥാപാത്രങ്ങളാണ് മമ്മൂട്ടി മലയാളികള്‍ക്ക് സമ്മാനിച്ചു കഴിഞ്ഞത്. വ്യത്യസ്തമായ കഥാപാത്രങ്ങളിലൂടെ ഇന്നും തലമുറകളെ ഹരം കൊള്ളിച്ചു കൊണ്ടേയിരിക്കുകയാണ് ആ അത്ഭുത പ്രതിഭാസം. മറ്റേതൊരു താരങ്ങളെയും പോലെ മമ്മൂട്ടിയുടേതായി പുറത്തുവരുന്ന സിനിമ അപ്‌ഡേറ്റുകളും ഫോട്ടോകളും വീഡിയോകളും എല്ലാം സോഷ്യല്‍ മീഡിയയില്‍ ശ്രദ്ധനേടാറുണ്ട്. അത്തരത്തില്‍ രമേശ് പിഷാരടി പങ്കുവച്ചൊരു ഫോട്ടോയാണ് ഇപ്പോള്‍ വൈറല്‍ ആകുന്നത്.
ഒരു ഫ്രഞ്ച് പത്രത്തിന്റെ മുന്‍ പേജില്‍ വന്ന മമ്മൂട്ടിയുടെ ചിത്രം ആണ് രമേശ് പിഷാരടി പങ്കുവച്ചിരിക്കുന്നത്. പത്ര കട്ടിങ്ങിലുള്ള ചിത്രത്തില്‍ മമ്മൂട്ടിക്കൊപ്പം ഭാര്യ സുല്‍ഫത്തും രണ്ട് സുഹൃത്തുക്കളും ഉണ്ട്. 'Big B' reaking, Mammootty ഫ്രഞ്ച് പത്രത്തിന്റെ ഫ്രണ്ട് പേജില്‍ ഫ്രണ്ടിനൊപ്പം ഫ്രാന്‍സില്‍ ഒരു ഫ്രീക്കന്‍', എന്നാണ് രമേശ് പത്ര കട്ടിങ്ങിനൊപ്പം കുറിച്ചിരിക്കുന്നത്. പോസ്റ്റ് പുറത്തുവന്നതിന് പിന്നാലെ നിരവധി പേരാണ് കമന്റുകളുമായി രംഗത്തെത്തിയത്. '71കാരന് പയ്യന്‍,ആ ഒറിജിനല്‍ ഫോട്ടോയും കൂടി ഇട് പിഷൂ', എന്നിങ്ങനെ പോകുന്നു കമന്റുകള്‍. ഈ പോസ്റ്റ് ഇപ്പോള്‍ സമൂഹമാധ്യമങ്ങളിലും വിവിധ ഫാന്‍സ് ഗ്രൂപ്പുകളിലും പ്രചരിക്കുന്നുണ്ട്.
