വണ്‍പ്ലസ് 9 ശ്രേണിയിലെ ആദ്യ T ഫോണ്‍ വരുന്നു, അവതരണം ഒക്ടോബറില്‍
ചൈനീസ് പ്രീമിയം സ്മാര്ട്ട്ഫോണ് നിര്‍മ്മാതാക്കളായ വണ്‍പ്ലസ് മാര്‍ച്ചിലാണ് തങ്ങളുടെ പുത്തന്‍ സ്മാര്ട്ട്ഫോണ് ശ്രേണിയായ വണ്‍പ്ലസ് 9 അവതരിപ്പിച്ചത്. ആറ് മാസങ്ങള്‍ക്ക് ശേഷം വണ്‍പ്ലസ് 9 ശ്രേണിയിലേക്ക് പുത്തന്‍ ഒരു സ്മാര്ട്ട്ഫോണ് ചേര്‍ക്കാനൊരുങ്ങുകയാണ് കമ്പനി. വണ്‍പ്ലസ് 8 ശ്രേണി അവതരിപ്പിച്ച് അധികം താമസമില്ലാതെ അല്പം മാറ്റങ്ങളുമായി വണ്‍പ്ലസ് 8T അവതരിപ്പിച്ചതിന് സമാനമായി T എന്ന വാല്‍ക്കഷണവുമായാണ് പുതിയ മോഡല്‍ എത്തുക. അതെ സമയം അടിസ്ഥാന വണ്‍പ്ലസ് 9 ഫോണിനായിരിക്കില്ല T പതിപ്പ് എത്തുക എന്നാണ് റിപോര്‍ട്ടുകള്‍. പകരം ഇന്ത്യയ്ക്കായി പ്രത്യേകം അവതരിപ്പിച്ച വണ്‍പ്ലസ് 9R മോഡലിനാണ് T പതിപ്പെത്തുക എന്ന് ആന്‍ഡ്രോയിഡ് സെന്‍ട്രല്‍ റിപ്പോര്‍ട്ട് ചെയ്യുന്നു.
വണ്‍പ്ലസ് 9RT എന്ന പേരുമായെത്തുന്ന പുത്തന്‍ ഫോണിന്റെ ലോഞ്ച് ഒക്ടോബറിലാണ് ക്രമീകരിച്ചിരിക്കുന്നത് എന്നും ആന്‍ഡ്രോയിഡ് സെന്‍ട്രല്‍ റിപ്പോര്‍ട്ട് ചെയ്യുന്നു. 120 ഹെര്‍ട്‌സ് റിഫ്രഷ് റേറ്റുള്ള വണ്‍പ്ലസ് 9Rലെ 6.55 ഇഞ്ച് ഫുള്‍ എച്ച്ഡി+ (1,080x2,400 പിക്സല്‍) ഒഎല്‍ഇഡി ഡിസ്പ്ലേ തന്നെയാണ് വണ്‍പ്ലസ് 9RTയിലും ഇടം പിടിക്കുക. മാത്രമല്ല 3D കോര്‍ണിംഗ് ഗോറില്ല ഗ്ലാസ് സംരക്ഷണവും ഈ ഡിസ്പ്ലേയ്ക്കുണ്ടാവും. വണ്‍പ്ലസ് 9Rലെ 65W ഫാസ്റ്റ് ചാര്‍ജിങ് സപ്പോര്‍ട്ട് ചെയ്യുന്ന 4,500mAh ബാറ്ററിയും പുത്തന്‍ T ഫോണില്‍ ഇടം പിടിക്കും.
വണ്‍പ്ലസ് 9Rലെ ക്വാല്‍കോം സ്നാപ്ഡ്രാഗണ്‍ 870 SoC പ്രോസസ്സര്‍ ചില പരിഷ്‌കാരങ്ങള്‍ വരുത്തിയാണ് വണ്‍പ്ലസ് 9RT പതിപ്പില്‍ ഇടം പിടിക്കുക. അടുത്തിടെ വണ്‍പ്ലസ് അവതരിപ്പിച്ച നോര്‍ഡ് 2വിലെ 50 മെഗാപിക്സല് സോണി IMX766 പ്രൈമറി സെന്‍സറാണ് വണ്‍പ്ലസ് 9RTയില്‍ ഇടം പിടിക്കുക എന്ന് റിപ്പോര്‍ട്ട് വ്യക്തമാക്കുന്നു. ആന്‍ഡ്രോയിഡ് 12 അടിസ്ഥാനമായ ഓക്സിജന് ഓഎസ് 12 ആയിരിക്കും ഓപ്പറേറ്റിംഗ് സിസ്റ്റം.
വണ്‍പ്ലസ് 9Rലെ ക്വാല്‍കോം സ്നാപ്ഡ്രാഗണ്‍ 870 SoC പ്രോസസ്സര്‍ ചില പരിഷ്‌കാരങ്ങള്‍ വരുത്തിയാണ് വണ്‍പ്ലസ് 9RT പതിപ്പില്‍ ഇടം പിടിക്കുക. അടുത്തിടെ വണ്‍പ്ലസ് അവതരിപ്പിച്ച നോര്‍ഡ് 2വിലെ 50 മെഗാപിക്സല് സോണി IMX766 പ്രൈമറി സെന്‍സറാണ് വണ്‍പ്ലസ് 9RTയില്‍ ഇടം പിടിക്കുക എന്ന് റിപ്പോര്‍ട്ട് വ്യക്തമാക്കുന്നു. ആന്‍ഡ്രോയിഡ് 12 അടിസ്ഥാനമായ ഓക്സിജന് ഓഎസ് 12 ആയിരിക്കും ഓപ്പറേറ്റിംഗ് സിസ്റ്റം.
39,999 രൂപ മുതലാണ് വണ്‍പ്ലസ് 9R-ന്റെ വില ആരംഭിക്കുന്നത്. വണ്‍പ്ലസ് 8, 8T മോഡലുകള്‍ക്ക് സമാനമായ രീതിയിലാണ് വണ്‍പ്ലസ് 9RTയുടെ വില എങ്കില്‍ ഏകദേശം 41,000 രൂപ വണ്‍പ്ലസ് 9RTയ്ക്ക് പ്രതീക്ഷിക്കാം.
