ഓഹരി വിപണിയില്‍ നഷ്ടത്തോടെ തുടക്കം
മുംബൈ: തുടര്‍ച്ചയായ ദിവസങ്ങളിലെ കുതിപ്പിനിടയില്‍ ഇന്ന് ഓഹരി വിപണിയില്‍ കിതപ്പ്.സെന്സെക്സ് 101 പോയന്റ് താഴ്ന്ന് 49,167ലും നിഫ്റ്റി 26 പോയന്റ് നഷ്ടത്തില്‍ 14,458ലുമാണ് ഇന്ന് വ്യാപാരം ആരംഭിച്ചത്. ബിഎസ്ഇയിലെ 629 കമ്പനികളുടെ ഓഹരികള്‍ നേട്ടത്തിലും 663 ഓഹരികള്‍ നഷ്ടത്തിലുമാണ്. 58 ഓഹരികള്‍ക്ക് മാറ്റമില്ല.
സണ്‍ഫാര്‍മ, ഡോ. റെഡ്ഡീസ് ലാബ്, ബജാജ് ഫിന്‍സെര്‍വ്, ടിസിഎസ്, എച്ചഡിഎഫ്‌സി, ഹിന്ദുസ്ഥാന്‍ യൂണിലിവര്‍, ബജാജ് ഓട്ടോ, ഇന്‍ഫോസിസ്, എസ്ബിഐ, ഒഎന്‍ജിസി തുടങ്ങിയ ഓഹരികളാണ് നഷ്ടത്തില്‍. റിലയന്‍സ് ഇന്‍ഡസ്ട്രിയല്‍സ്, എല്‍ആന്റ്ടി, അള്‍ട്രടെക് സിമെന്റ്, ഐടിസി, എച്ച്ഡിഎഫ്‌സി ബാങ്ക്, ഭാരതി എയര്‍ടെല്‍ തുടങ്ങിയ ഓഹരികള്‍ നേട്ടത്തിലാണ്. കര്‍ണാടക ബാങ്ക്, ടാറ്റ ഇലക്‌സി തുടങ്ങി പത്ത് കമ്പനികള്‍ ഡിസംബര്‍ പാദത്തിലെ പ്രവര്‍ത്തന ഫലം ഇന്നു പുറത്തുവിടും.
