വിപണിയില്‍ ഉണര്‍വ്; നിഫ്റ്റി 69.10 പോയന്റ് ഉയര്‍ന്ന് 15,778.50 ലെത്തി
മുംബൈ: മൂന്ന് ദിവസത്തെ തളര്‍ച്ചയ്ക്ക് ശേഷം നേട്ടം കൊയ്ത് വിപണി. ഐടി, മെറ്റല്‍ എന്നീ ധനകാര്യ ഓഹരികളുടെ മുന്നേറ്റത്തില്‍ നിഫ്റ്റി 15,750 ന് മുകളിലെത്തി. സെന്സെക്സ് 209.36 പോയന്റ് നേട്ടത്തില്‍ 52,653.07ലും നിഫ്റ്റി 69.10 പോയന്റ് ഉയര്‍ന്ന് 15,778.50ലുമാണ് ഇന്ന് വ്യാപാരം അവസാനിപ്പിച്ചത്. മറ്റ് ഏഷ്യന്‍ വിപണികളും നേട്ടമുണ്ടാക്കി.
മെറ്റല്‍ സൂചിക അഞ്ച് ശതമാനം നേട്ടമുണ്ടാക്കി. ഐടി, പൊതുമേഖല ബാങ്ക് സൂചികകള്‍ 1-3 ശതമാനം ഉയര്‍ന്നു. ബിഎസ്ഇ മിഡ്ക്യാപ്, സ്മോള് ക്യാപ് സൂചികകള്‍ യഥാക്രമം 0.4-0.9ശതമാനം നേട്ടത്തിലുമാണ് ഇന്ന്് വ്യാപാരം അവസാനിപ്പിച്ചത്.
അതേസമയം ഹിന്‍ഡാല്‍കോ, ടാറ്റ സ്റ്റീല്‍, ബജാജ് ഫിന്‍സര്‍വ്, എസ്ബിഐ, ജെഎസ്ഡബ്ല്യു സ്റ്റീല്‍ തുടങ്ങിയ ഓഹരികളാണ് പ്രധാനമായും നേട്ടമുണ്ടാക്കിയത്. മാരുതി സുസുകി, പവര്‍ഗ്രിഡ്, ബജാജ് ഓട്ടോ, ഐടിസി, കോള്‍ ഇന്ത്യ ഓഹരികള്‍ നഷ്ടത്തിലായി.
