നെല്ലിക്ക കഴിക്കുന്നത് ശീലമാക്കൂ
ശൈത്യകാലത്ത് ഉള്‍പ്പെടുത്തേണ്ട സൂപ്പര്‍ഫുഡുകളില്‍ ഒന്നാണ് നെല്ലിക്ക. വിറ്റാമിന്‍ സിയും ആന്റിഓക്സിഡന്റുകളും നെല്ലിക്കയില്‍ അടങ്ങിയിട്ടുണ്ട്. ഇത് ശൈത്യകാലത്ത് പ്രതിരോധശേഷി വര്‍ദ്ധിപ്പിക്കാനും ദഹനക്കേട് പരിഹരിക്കാനും സഹായിക്കും. വേഗത്തിലുള്ള കൊഴുപ്പ് കത്തിക്കാനും ശരീരഭാരം കുറയ്ക്കാനും കഴിക്കാവുന്ന ഏറ്റവും ജ്യൂസുകളിലൊന്നാണ് നെല്ലിക്ക ജ്യൂസ്. വിറ്റാമിന്‍ സിയുടെ ഉയര്‍ന്ന ഉള്ളടക്കം കാരണം ശരീരത്തിലെ രോഗങ്ങളെ ചെറുക്കാന്‍ ഇത് സഹായിക്കുന്നു. നെല്ലിക്ക പച്ചയായോ പൊടിയായോ ദ്രാവക രൂപത്തിലോ കഴിക്കാം. നെല്ലിക്ക ജ്യൂസ് പതിവായി കഴിക്കുന്നത് ശരീരത്തിലെ കൊഴുപ്പ് കുറയ്ക്കാന്‍ സഹായിക്കുന്നു.
ഇന്‍സുലിനോടുള്ള നമ്മുടെ ശരീരത്തിന്റെ പ്രതികരണത്തെ സഹായിക്കുന്ന ക്രോമിയം നെല്ലിക്കയില്‍ ധാരാളമായി അടങ്ങിയിട്ടുണ്ട്. കാര്‍ബോഹൈഡ്രേറ്റ് മെറ്റബോളിസത്തെ നിയന്ത്രിക്കുന്ന ഒരു ധാതുവായ ക്രോമിയം നെല്ലിക്കയില്‍ അടങ്ങിയിരിക്കുന്നു. ഇത് ശരീരത്തെ ഇന്‍സുലിനോട് കൂടുതല്‍ പ്രതികരിക്കുകയും രക്തത്തിലെ പഞ്ചസാരയുടെ അളവ് കൂടുതല്‍ നിയന്ത്രണത്തിലാക്കുകയും ചെയ്യുന്നു.
ആന്റിഓക്സിഡന്റുകളും പൊട്ടാസ്യവും ഉള്‍പ്പെടെ ഹൃദയാരോഗ്യം വര്‍ദ്ധിപ്പിക്കുന്ന നിരവധി പോഷകങ്ങള്‍ നെല്ലിക്കയില്‍ അടങ്ങിയിട്ടുണ്ട്. നിങ്ങളുടെ രക്തത്തിലെ എല്‍ഡിഎല്‍ (മോശം) കൊളസ്ട്രോളിന്റെ ഓക്സിഡേഷന്‍ തടയുന്നതിലൂടെ ആന്റിഓക്സിഡന്റുകള്‍ ഹൃദയാരോഗ്യം മെച്ചപ്പെടുത്തുന്നു. നെല്ലിക്കയിലെ വിറ്റാമിന്‍ സിയുടെ ഉള്ളടക്കം ഹൃദയാരോഗ്യത്തിന് മികച്ചതാണ്. ഇത് നിങ്ങളുടെ ഹൃദയത്തിലെ ധമനികളെ ശക്തിപ്പെടുത്തുകയും കട്ടിയാക്കുകയും ചെയ്യുന്നു.
