ഓസ്‌കര്‍ ജേതാവ് റസൂല്‍ പൂക്കുട്ടി സംവിധാനരംഗത്തേക്ക് ചുവടുവയ്ക്കുന്ന മലയാള ചിത്രം 'ഒറ്റ'യുടെ ട്രെയിലര്‍ പുറത്തിറങ്ങി. ഗംഭീര സ്വീകരണമാണ് ട്രെയിലറിന് ലഭിക്കുന്നത്.ഒക്ടോബര്‍ 27 ന് ചിത്രം തിയറ്ററുകളില്‍ പ്രദര്‍ശനത്തിന് എത്തും. ബാല്യമോ കൗമാരമോ യൗവ്വനമോ ആയിക്കൊള്ളട്ടെ, ജീവിതത്തിലേല്‍ക്കുന്ന അടയാളങ്ങളെ ഓര്‍മിപ്പിക്കുന്ന അനുഭവങ്ങള്‍ ജീവിതയാത്രയില്‍ ഓരോരുത്തരെയും തേടിയെത്തികൊണ്ടേയിരിക്കും. രക്ഷപ്പെടാന്‍ തേടുന്ന വഴികള്‍ ചിലപ്പോഴൊക്കെ പാളിപ്പോകാം. നമ്മളൊന്ന് കണ്ണ് തുറന്ന് നോക്കിയാല്‍ കാണാം നമുക്ക് ചുറ്റും അങ്ങനെയുള്ള പല ജീവിതങ്ങളും, ആ ജീവിത കഥകളെ ഓര്‍മിപ്പിക്കും വിധം 'ഒറ്റ' ട്രെയിലര്‍ ശ്രദ്ദേസയമാകുന്നു.
സൗണ്ട് ഡിസൈനറും ഓസ്‌കര്‍ ജേതാവുമായ റസൂല്‍ പൂക്കുട്ടി ആദ്യമായി സംവിധാനം ചെയ്യുന്ന ചിത്രത്തില്‍ മലയാളം, തമിഴ്, കന്നഡസിനിമകളിലെ മുന്‍നിര താരങ്ങള്‍ അണിനിരക്കുന്നു. പ്രധാന വേഷം ചെയ്യുന്ന ആസിഫ് അലിയെ കൂടാതെ അര്‍ജുന്‍ അശോകന്‍, ഇന്ദ്രജിത്ത്, സത്യരാജ്, രോഹിണി, ആദില്‍ ഹുസൈന്‍ ഇന്ദ്രന്‍സ്, രഞ്ജി പണിക്കര്‍, മേജര്‍ രവി, സുരേഷ് കുമാര്‍, ശ്യാമ പ്രസാദ്, സുധീര്‍ കരമന, ബൈജു പൂക്കുട്ടി, ദിവ്യ ദത്ത, കന്നഡ നടി ഭാവന ലെന, മംമ്ത മോഹന്‍ദാസ്, ജലജ, ദേവി നായര്‍ തുടങ്ങി നിരവധി താരങ്ങള്‍ എത്തുന്നു.
നിര്‍മാതാവ് എസ്.ഹരിഹരന്റെ യഥാര്‍ഥ ജീവിതത്തില്‍ നിന്നെടുത്ത ഓര്‍മകളിലൂടെയാണ് കഥ സഞ്ചരിക്കുന്നത്. സമൂഹത്തിന്റെ ഒരു നേര്‍ക്കാഴ്ചയാണ് ചിത്രം എന്ന് കാണുന്ന ഓരോ പ്രേക്ഷകനും മനസ്സില്‍ തോന്നുംവിധത്തിലുള്ളതാണ് പുറത്തിറങ്ങിയ ട്രെയിലര്‍, ഒരു ഒരു ത്രില്ലര്‍ അല്ലെങ്കില്‍ ഒരു ഫാമിലി എന്റര്‍ടെയ്‌നര്‍ എന്നിങ്ങനെ ഏത് വിധത്തിലുള്ള പ്രേക്ഷകരെയും ആകര്‍ഷിക്കും വിധമുള്ളതാണ് ചിത്രം എന്ന സൂചനയും ട്രെയിലറില്‍ ഉണ്ട്.
ആസിഫ് അലിയുടെയും അര്‍ജുന്‍ അശോകന്റെയും വേറിട്ട ഒരു പ്രകടനം ആയിരിക്കും ചിത്രത്തില്‍ എന്നത് ട്രെയിലറില്‍ നിന്ന് തന്നെ വ്യക്തമാണ്. നല്ലൊരു ചിത്രത്തിനായുള്ള കാത്തിരിപ്പിലാണ് ആരാധകര്‍ എന്ന കമന്റുകളാല്‍ ട്രെയിലറിനെ സ്വീകരിച്ചിരിക്കുകയാണ് സിനിമാ പ്രേമികള്‍ ബിഗ് ബജറ്റില്‍ ഒരുങ്ങുന്ന ചിത്രം റസൂല്‍ പൂക്കുട്ടിയുടെ ഏറെ കാലത്തെ സ്വപ്നസാഫല്യമാണ്. ചില്‍ഡ്രന്‍ റി യുണൈറ്റഡ് എഎപിയും റസൂല്‍ പൂക്കുട്ടി പ്രൊഡക്ഷന്‍സും ചേര്‍ന്നൊരുക്കുന്ന ഒറ്റയുടെ നിര്‍മാതാവ് എസ്. ഹരിഹരന്‍, കഥ കിരണ്‍ പ്രഭാകറിന്റേതാണ്.
രണ്ട് യുവാക്കളുടെ ആവേശകരമായ കഥയും അവരുടെ അപ്രതീക്ഷിതമായ ഭാവിയിലേക്കുള്ള യാത്രയുമാണ് ഫാമിലി ഡാമി വിഭാഗത്തില്‍ പെടുന്ന ഒറ്റ എന്ന ചിത്രത്തിലൂടെ പറയുന്നത്. ഹരി എന്ന പ്രധാന കഥാ പാത്രമായി ആസിഫ് അലിയും ബെന്‍ ആയി ഷാജന്‍ അശോകനും രാജുവായി ഇന്ദ്രജിത്തുമാണ് ചിത്രത്തിലെത്തുന്നത്.
പാട്ടുകള്‍ക്ക് ഏറെ പ്രാധാന്യമുള്ള ചിത്രത്തിന് എം.ജയചന്ദ്രന്‍ സംഗീതമൊരുക്കുന്നു. ഗാനങ്ങളൊരുക്കിയത് വൈരമുത്തു, റഫീക്ക് അഹമ്മദ് എന്നിവര്‍ ചേര്‍ന്നാണ്. എം. ജയചന്ദ്രന്‍, പി ജയചന്ദ്രന്‍, േ്രശയ ഘോഷാല്‍ ശങ്കര്‍ മഹാദേവന്‍, ജാസി ഗിഫ്റ്റ് ബെന്നി ദയാല്‍, താന്‍സ് തുടങ്ങിയ പ്രമുഖ ഗായകരാണ് ഒറ്റയിലെ ഗാനങ്ങള്‍ ആലപിച്ചിരിക്കുന്നത്. അരുണ്‍ വര്‍മ്മയാണ് ഛായാഗ്രാഹകന്‍.
