പോരൂ; നമുക്കു കാണാം
മിന്നാമിനുങ്ങിന്റെ നുറുങ്ങുവെട്ടം
പ്രകൃതിയുടെ സ്വന്തം ഫെയറിലൈറ്റുകള്‍ ആയ മിന്നാമിനുങ്ങുകളോടൊപ്പം ഒരു രാത്രി മുഴുവന്‍ ചിലവഴിക്കാന്‍ പറ്റുന്നതിനെക്കുറിച്ച് ചിന്തിച്ചിട്ടുണ്ടോ? ഇപ്പോള്‍ ദശലക്ഷക്കണക്കിന് മിന്നാമിന്നികള്‍ നിറഞ്ഞ ലോകത്തിലൂടെ ചുറ്റിക്കറങ്ങാനുള്ള ഒരു അവസരം വന്നിരിക്കുകയാണ്. എല്ലാവര്‍ഷവും മണ്‍സൂണ്‍ ആരംഭിക്കുന്നതിന് തൊട്ടുമുമ്പ് മഹാരാഷ്ട്രയില്‍ മുംബൈയോട് അടുത്ത് വിവിധയിടങ്ങളില്‍ മിന്നാമിനുങ്ങ് ഉത്സവം (Fireflies Festival) സംഘടിപ്പിക്കാറുണ്ട്. ഈ വര്‍ഷത്തെ മിന്നാമിനുങ്ങ് ഉത്സവം ജൂണ്‍ ആദ്യവാരത്തോട് തന്നെ ആരംഭിക്കും. ഫയര്ഫ്ലൈസ് ഫെസ്റ്റിവല്‍ ഈ മാസം (ജൂണ്‍) അവസാനം വരെ ഉണ്ടായിരിക്കും.
രാജ്മാച്ചി വില്ലേജ്, സിദ്ധഗഡ് വാഡി, പ്രബല്‍മച്ചി ഗ്രാമം, ഭണ്ഡാര്‍ദാര, ഘട്ഘര്‍, കോതാലിഗഡ്, കൊണ്ടാനെ ഗുഹകള്‍, പുരുഷവാഡി, മാല്‍ഷെജ് ഘട്ട്, ഇഗത്പുരി എന്നിവയുള്‍പ്പെടെയുള്ള പ്രദേശങ്ങളിലാണ് ഏകദേശം ഒരു മാസം നീണ്ടുനില്‍ക്കുന്ന ഫെസ്റ്റിവല്‍ ക്യാമ്പുകള്‍ സംഘടിപ്പിക്കുന്നത്. മിക്ക ഇടങ്ങളിലേക്കും ഒരു രാത്രി/ഒരു പകല്‍ ദൈര്‍ഘ്യമുള്ള പാക്കേജുകളുമുണ്ട്. രാത്രിയില്‍ മിന്നാമിനുങ്ങ് കൂട്ടത്തിനിടയിലൂടെയുള്ള ട്രെക്കിംഗ്, ഹൈക്കിംഗ്, ക്യാമ്പിംഗ്, ഫയര്‍ഫ്‌ലൈ വോക്കിംഗ് എന്നിവ ഈ പാക്കേജുകളില്‍ ആസ്വാദിക്കാനും അവസരമുണ്ട്.
പ്രധാന മിന്നാമിനുങ്ങ് ഉത്സവങ്ങള്‍
പുരുഷവാഡി ഫയര്ഫ്ലൈസ് ഫെസ്റ്റിവല്‍ - പുരുഷവാഡി ഗ്രാമത്തിലെ ട്രെക്കുകളും ട്രയലുകളും (ജൂണ്‍ 26 വരെ). ഒരു രാത്രി/ഒരു പകല്‍ ദൈര്‍ഘ്യമുള്ള പാക്കേജുകളാണുള്ളത്യ 2600 രൂപ മുതല്‍ 2900 രൂപ വരെയാണ് നിരക്കുകള്‍.
രാജ്മാച്ചി ഫയര്ഫ്ലൈസ് ട്രെക്ക് & ക്യാമ്പ് - പ്രദേശത്തിലൂടെ ട്രെക്കുകളും ട്രയലുകളും പ്രധാന പരിപാടികള്‍ (ജൂണ്‍ 25 വരെ). ലോണാവാലയ്ക്ക് അടുത്തുള്ള ഈ പ്രദേശത്ത് രണ്ട് ദിവസം വരെ നീണ്ടുനില്‍ക്കുന്ന പാക്കേജുകള്‍ ലഭ്യമാണ്. ഏകദേശം 1000 രൂപ മുതല്‍ 2000 രൂപവരെയാണ് പാക്കേജ് നിരക്കുകള്‍.
കൂടാതെ ജൂണ്‍ 4-5 തീയതികളിലായി ആരംഭിക്കുന്ന രാജ്മാച്ചി ബൈക്ക് റൈഡിലും ഫയര്ഫ്ലൈസ് ഫെസ്റ്റിവലിലും പങ്കെടുക്കാം.
ഭണ്ഡാര്‍ദാര ഫയര്ഫ്ലൈസ് ഫോട്ടോഗ്രാഫി ബൂട്ട് ക്യാമ്പ് - ജൂണ്‍ 4-5 തീയതികളിലായി ആരംഭിക്കുന്ന പരിപാടികളില്‍ പങ്കെടുക്കാന്‍ 1000 രൂപ മുതല്‍ 2100 രൂപ വരെയാണ് നിരക്ക്. ഭണ്ഡാര്‍ദാര ഫയര്ഫ്ലൈസ് ക്യാമ്പിംഗ് ജൂണ്‍ 18 വരെയുണ്ടാകും
മാല്‍ഷെജ് ഘട്ട് ഫയര്ഫ്ലൈസ് ക്യാമ്പിംഗ് - മാല്‍ഷെജ് ഘട്ടിലെ ട്രെക്കുകളും ട്രയലുകളും (ജൂണ്‍ 25 വരെ).1000 രൂപ മുതല്‍ 1400 രൂപ വരെയാണ് പാക്കേജ് നിരുക്കുകള്‍.
പശ്ചിമഘട്ട പ്രദേശങ്ങള്‍ മിന്നാമിനുങ്ങുകളുടെ ഒരു നല്ല ആവാസ കേന്ദ്രമാണ്. യതാര്‍ത്ഥത്തില്‍ ഈ മിന്നിതിളങ്ങുന്ന പ്രകാശങ്ങള്‍ എതിര്‍ലിംഗക്കാരെ ആകര്‍ഷിക്കാനും പ്രതികരിക്കാനും ആശയവിനിമയം നടത്താനുമാണ്. മണ്‍സൂണിന് തൊട്ടുമുമ്പാണ് മിന്നാമിന്നികള്‍ പുറത്തുവരാന്‍ തുടങ്ങുന്നത്. ഏകദേശം രണ്ട് മാസത്തോളം അവര്‍ ഇണചേരാനും മുട്ടയിടാനും ജീവിക്കും. എല്ലാ വര്‍ഷവും മണ്‍സൂണ്‍ ആരംഭിക്കുന്നതിന് തൊട്ടുമുമ്പ് മുംബൈ ഫയര്ഫ്ലൈസ് ഫെസ്റ്റിവല്‍ സംഘടിപ്പിക്കാറുണ്ട്.
ബയോലുമിനസെന്റ് വണ്ടുകളായ മിന്നാമിനുങ്ങുള്‍ തങ്ങളുടെ ലോകത്ത് സ്വതന്ത്രമായി പറക്കുന്നു, പ്രണയിക്കുന്നു. ഇണചേരലിനായി ആണ്‍ വര്‍ഗ്ഗത്തില്‍പ്പെട്ട മിന്നാമിനുങ്ങുകള്‍ ഒരു ബയോലുമിനസെന്റ് ഗ്ലോ ഉപയോഗിച്ച് പെണ്‍ മിന്നാമിന്നികളെ ആകര്‍ഷിക്കാന്‍ നടത്തുന്ന പരിശ്രമങ്ങള്‍ ഒരു പ്രദേശം മുഴുവന്‍ അത്ഭുതലോകമാക്കി തീര്‍ക്കുകയാണ്. എതിര്‍ലിംഗത്തില്‍ മതിപ്പുളവാക്കാന്‍ മിന്നാമിന്നികള്‍ വ്യത്യസ്തങ്ങളായ മിന്നുന്ന പ്രകാശ പാറ്റേണുകള്‍ ഉപയോഗിക്കുന്നു. മിന്നാമിന്നികള്‍ക്ക് 2000-ലധികം സവിശേഷമായ ഡിസൈനുകള്‍ ഉണ്ട്.
